Namasthe Telangana and Metro India, Stars of the day

Namasthe Telangana First

కట్టా మీఠా

A big step forward on Telangana at Centre was reported by only two news papers in Hyderabad on Thursday, i.e. Namasthe Telangana and Metro India. The two news papers carried this news item as banner.

Two papers wrote that Cabinet note was ready and it may be cleared in today’s Cabinet meeting and also may be sent to assembly within a week or so. It’s a great day for these two news papers.

Namasthe and Metro teams done an excellent job in presenting the news.

namasthe

View original post

ట్రంపా? టెడ్రోసా?

కరోనాను నిర్లక్ష్యం చేసిందెవరు?

(రాజ సిద్ధార్థ)

పావర్టీ అఫ్‌ జర్నలిజం శిఖరాలకు ఎగబాకుతున్నది. అధికారంలో ఉన్నవారి పాదస్పర్షకోసం తహతహలాడడం, ఉన్నవీలేనివీ తెలిసినవీ తెలియనివీ రాసిపారేయడం, అసత్యాలు అర్ధసత్యాలు వాగిపారేయడం…ఎంతకాలుష్యమో…ఇది కరోనా వైరస్‌కంటే ప్రమాదకరంగా మారుతున్నది. ప్రపంచ ఆరోగ్య సంస్థ వైఫల్యాల గురించి నిన్న నేడు ఒక చానెల్‌లో, ఒక పత్రికలో కథనాలు వచ్చాయి. పచ్చి అబద్ధాలు. ఇక్కడ కేసీఆర్‌కోసం అబద్ధాలు రాశారంటే అర్థం చేసుకోవచ్చు. ఎక్కడో ఉన్న ట్రంపుకోసమూ పరమ అసహ్యకరమైన అసత్య ప్రవచనమేనా!

ట్రంపు అనే పెద్దమనిషి కరోనా అసలు తమకు పెద్ద సమస్య కాదన్నట్టు బిల్డప్‌ ఇచ్చాడు. తీసుకోవాల్సిన చర్యలేవీ తీసుకోలేదు. ఎన్నికల ప్రచారం, ప్రపంచదేశాలలో కరచాలనాలు చేసుకుంటూ తిరిగాడు. ఒక్క ట్రంపే కాదు ఏ దేశమూ ప్రపంచ ఆరోగ్య సంస్థ హెచ్చరికలను పట్టించుకోలేదు. ఎందుకంటే చులకనభావం. తామిచ్చిన చిల్లరతో నడిచే సంస్థలని చిన్న చూపు. భారతదేశమూ అలాగే వ్యవహరించింది.

వాస్తవం ఏమంటే ప్రపంచ ఆరోగ్య సంస్థ డైరెక్టర్‌ జనరల్‌ టెడ్రోస్‌ జనవరి 31న ప్రపంచ ఆరోగ్య అత్యయిక పరిస్థితిని ప్రకటించింది. ఆరోజు నాటికి 18 దేశాలలో 96 కేసులు మాత్రమే నమోదయ్యాయి. ప్రపంచ ఆరోగ్య సంస్థ మార్చి 11న కోవిద్‌-19ని ఒక మహమ్మారిగా ప్రకటించింది. ‘ ఇప్పటికే 119 దేశాలకు తాకింది. ఇది ప్రపంచ మంతా వేగంగా విస్తరిస్తున్నది.  ఒకరి నుంచి మరొకరికి పాకుతున్నది. ఇది కేవలం ప్రజారోగ్య సంక్షోభం కాదు, అన్ని రంగాలను తాకే సంక్షోభం. ప్రతి ఒక్కరిని కోవిద్‌ వ్యతిరేక పోరాటంలోకి తీసుకురావాలి’ అని టెడ్రోస్‌ ప్రకటించారు.

లాక్‌డౌన్‌ అవసరం లేదు. వ్యాపారాలు కుప్ప కూలుతాయి అని చెప్పినవారు ఇప్పుడు నాలుక మడతేసి మాట్లాడుతున్నారు. కరనోపై ‘నేనెందుకు బాధ్యత తీసుకోవాలి. అది మహమ్మారి అని నాకు ముందే తెలుసు’ అని మార్చి 12న రోజ్‌ గార్డెన్‌ సభలో ట్రంపు ప్రకటన చేశారు. కరోనాపై డెమాక్రాట్స్‌ అబద్ధాలు చెబుతున్నారని, మనకు పెద్ద ప్రమాదమే లేదు అని కూడా మరో సభలో చెప్పారు. మన దేశానికి పెద్దగా రిస్కు లేదని సర్జన్‌ జనరల్‌ చెప్పారని స్వయంగా ఒక ట్వీట్‌లో పేర్కొన్నారు. ఇప్పుడేమో ‘నేను యుద్ధకాలపు అధ్యక్షుడిని’ అని ప్రకటించుకుంటున్నారు.  ‘మావాళ్లు ఈస్టర్‌కల్లా(ఏప్రిల్‌12) విధులకు రావాలనికోరుకుంటున్నా’ అని కూడా ట్రంపు మార్చి 24న ప్రకటిస్తారు. ఇది చిన్న జలుబు సమస్య ఏమీ కాదు మాకు రోధ నిరోధక శక్తి ఎక్కువ అని బ్రెజిల్‌ అధ్యక్షడు బోల్సనారో చెప్పారు. నిక్షేపంగా రెస్టారెంట్లకు వెళ్లండి తినండి అని మెక్సికో అధ్యక్షుడు తన ప్రజలకు చెప్పారు. ఇంకా ఎవరెవరు ఏమి చెప్పారు రాస్తే పెద్ద లిస్టు అవుతుంది. ప్రపంచవ్యాప్తంగా స్టాక్‌మార్కెట్లు ఫిబ్రవరి 24నాటికే కుప్పకూలడం మొదలుపెట్టాయి. ఫిబ్రవరి 29న అమెరికాలో తొలిపౌరుడు కరోనాతో మరణించారు. మార్చి 17 నాటికి కోవిడ్‌ మృతుల సంఖ్య 100కు చేరింది. మార్చి 20 నాటికి ఒక్క న్యూయార్కులోనే 5600 కేసులు నమోదయ్యాయి. అమెరికా ఆరోగ్యమంత్రిత్వ శాఖ ఎన్‌95 మాస్కులకు ఆర్డరిచ్చింది మార్చి 21న. జనవరి 3 నుంచి మార్చి 21 వరకు చాలా విలువైన సమయాన్ని ట్రంపు ప్రభుత్వం వృధా చేసింది.

Ashish Jha, director of the Harvard Global Health Institute, described the Trump administration’s messaging so far as “deeply disturbing,” adding that it’s “left the country far less prepared than it needs to be for what is a very substantial challenge ahead.”

ట్రంపు వ్యాపారి. మాటకారి. వాగరి. ఎటుబడితే అటు మాట్లాడతాడు. దేనినీ లెక్క చేయడు. తీరా ఏదైనా సమస్య మీదపడితే అప్పుడు ఎవరో ఒకరిపై నెపం మోపుతాడు. ప్రపంచంలోని వాగుబోతులందరి శైలి ఇలాగే ఉంటుంది. పోనీ ప్రపంచ ఆరోగ్య సంస్థ విఫలమైంది అనుకోండి…ప్రపంచ పోలీసుగా, ప్రపంచ గూఢచారిగా వ్యవహరించే నీ నిఘా వ్యవస్థలన్నీ ఏమయ్యాయి? నీ పోలీసులు ఏమయ్యారు? ఎవరినయినా మాట్లాడనిచ్చావా? ఒక మెడికల్‌ జర్నలిస్టు అట. ఇథియోపియా కమ్యూనిస్టు ప్రభుత్వంలో టెడ్రోస్‌ మంత్రి అట. అందుకే కమ్యూనిస్టు చైనాతో కుమ్మక్కయి సమస్యను బయటికి చెప్పకుండా దాచారట. ఇలా అబద్ధాలను పోగేసేవారు కరోనాకంటే ప్రమాదకారులు. అసలు ఇథియోపియాలో కమ్యూనిస్టు ప్రభుత్వం ఉన్నదెప్పుడు? టెడ్రోస్‌ కమ్యూనిస్టు అయినదెప్పుడూ?  ఇథియోపియాలో కమ్యూనిస్టు ప్రభుత్వం ఎప్పుడో 1991లోనే కూలిపోయింది. ఇప్పుడంత నడుస్తున్నది డెమాక్రాట్స్‌ జమానా. సంస్కరణవాదుల ప్రభుత్వం. ఫెడరల్‌ డెమాక్రాట్‌ ప్రభుత్వంలో 2016 వరకు విదేశాంగ మంత్రిగా ఉన్నారు. వాస్తవాలు ఇలా ఉంటే కుక్కకు బొక్కదొరికిన చందంగా కొన్ని కాల్పనిక చెత్త బుర్రలు ప్రతిసందర్భాన్ని కమ్యూనిస్టు వ్యతిరేకతను ప్రదర్శించడానికి, వారిపై దుమ్ముపోయడానికి ప్రయత్నిస్తున్నారు.

 

 

బాబుకు 40 సీట్లు దాటవట

మహానటుడు ఎన్ఠీఆర్ కాదు, చంద్రబాబే. ఎంత బాగా నటిస్తున్నాడో. తెలంగాణ బూచిని చూపి ఆంధ్రాలో సెంటిమెంటు పండించాలని తెగ ప్రయత్నిస్తున్నాడు.

కానీ బాబుకు విశ్వసనీయత లేదు. పెద్ద మాయగాడని జనానికి అర్థమయింది. టీడీపీ శ్రేణులకూ అర్థమయింది. అందుకే వైసి పీలోకి స్వచ్చందంగా దూకుళ్లు మొదలయినాయి. బాబు బంగారం పెడతామన్నా లీడర్లు ఆగుతలేరు.

బాబుకు 40 సీట్లు దాటవని ఇటీవల ఒక స్థానిక సర్వే తేల్చేసింది. అంతకుముందే రెండు జాతీయస్థాయి సర్వేల్లో వైసీపీ ఘానా విజయం సాధించబోతున్నదని వెల్లడయింది. అందుకే బాబు frustrate అయితున్నాడు. అడ్డగోలుగా అబద్దాలు చెబుతున్నడు.

చంద్రబాబుకు సరైనోడు కేసీఆరే

వైస్రాయ్ సిద్ధాంత కర్త కేసీఆరేనని 2001లో చెప్పి ఉంటే బాగుండేది. అప్పుడేమో నేనే మొనగాడినని చెప్పుకున్నవు. కేసీఆర్ పక్కనబెట్టి అవమానించినవు. ఇప్పుడేమో కేసీఆర్ అంటున్నవు. నిజంగానే అది నాలుకా తాటిమట్టా? కులగజ్జిని మహావృక్షంలా పెంచిన చంద్రబాబు, ఆయన బాకా మీడియా కేసీఆర్ కులాన్ని అంటగట్టాలని చూశాయి. చంద్రబాబు దేశమంతా తిరిగి ఏ చక్కానయినా కలవవచ్చు, అది తప్పు కాదట, కేసీఆర్ తిరిగి రాష్ర్టాల ముఖ్యమంత్రులను కలవడం, ఆ తర్వాత నరేంద్ర మోడీని కలవడం తప్పట. బ్రీఫింగ్ చేయడానికి కలిశావా అని నువ్వు ప్రశ్నిస్తే జనం నవ్విపోరా చంద్రబాబూ. బ్రీఫింగ్ గురించి ‘బ్రీఫ్డు మీ’ సాక్షిగా నీకు ఎంత అనుభవం ఉందో ఎవరికి తెలియదు చంద్రబాబూ. ఇంతకాలం మీరంతా కట్టగట్టుకుని ఏది చేస్తే అది రాజకీయం. మీరు చెప్పేది వేదం. మీరు ఆడింది ఆట. పాడింది పాట. ఇక నడవదు బాబూ. మీరు తప్పు చేసినా రైటే. దొంగతనం చేసినా రైటే. కేసులు కొట్టేయించుకున్నా రైటే. మీకు అలా సాగింది. ఇంక కష్టం బాబూ.

ఇంతకాలానికి మీకు సరైనోడు దొరికాడు. నీగురించి కేసీఆర్ అన్నవన్నీ అక్షర సత్యాలు. వెన్నుపోటు పొడవలేదా? మాటలు మార్చలేదా? పార్టీలు మార్చలేదా? పిల్లిమొగ్గలెయ్యలేదా? ఆంధ్రప్రజల మనోభావాలతో ఇష్టమొచ్చినట్టు ఆడుకోలేదా? మోడీతో నాలుగేళ్లు అంటకాగి ఇప్పుడు అడ్డం తిరిగావు. కాంగ్రెస్ సర్వనాశనం కావాలని శాపనార్థాలు పెట్టినోడివి ఆ పార్టీ కొంగుపట్టుకున్నావు. నీకు విలువలు లేవన్నది అందుకే. పచ్చి మోసగాడివి అన్నదీ అందుకే. హైటెక్ సిటీ నేనే కట్టాను అన్నావు. అంతమొనగాడివైతే సొంత రాజధాని నాలుగేళ్లలో ఎందుకు కట్టలేదు. ఇప్పుడు బున్యాదులు తీసి, ఇంత సిమెంటు కాంక్రీటు బోసి అదేదో ఘనకార్యం చేసినట్టు బిల్డప్ ఇచ్చుడు ఏంది? నీ డబ్బాలు, బాకాలు దానికి అంతగా జోకుడేంది?

చంద్రబాబూ నీకు మర్యాద కావాలా? పార్టీ పెట్టి, ప్రజలను గెలిచి, ప్రభుత్వాన్ని సాధించి, మీ అందరికీ పదవులు ఇచ్చి, అధికారంలో కూర్చో బెడితే ఆయనకు వెన్నుపోటు పొడిచి, ఆయనపై చెప్పులు వేయించి, ఆయనను దారుణంగా అవమానించి, గుండె పగిలి చనిపోయేలా చేసిన ఘాతక చరిత్ర నీది. చంద్రబాబు ఇప్పుడు కూడా తాను బాధితుడి ఫోజు పెట్టి మరోసారి జనాన్ని మోసం చేయాలని చూస్తున్నడు. నరేంద్రమోడీ, జగన్, పవన్, కేసీఆర్ అందరూ ఒక్కటయ్యారని అబద్ధపు ప్రచారం చేసి, తానొక్కడినే కొట్లాడుతున్నానని జనాన్ని నమ్మించాలని చూస్తున్నడు. పవన్ కల్యాణ్ కొంపలు కూల్చడానికి ఇప్పటికే కొందరు కోవర్టులను ఆయన పార్టీలో చేర్పించాడు. ఎన్నికల వేళ వాళ్లు తమ నిజస్వరూపం ప్రదర్శిస్తారు. కుళ్లు, కుతంత్రాలు, కుట్రలు అబ్బో చంద్రబాబు రాజకీయ డిక్షనరీలో వాడని పదం లేదు.

చంద్రబాబుకు ఆంధ్రను బాగుచేసే ఉద్దేశం ఏమీ ఉండదు. ఎప్పటికప్పుడు వచ్చే ఎన్నికల్లో గెలవడం ఒక్కటే ఆయన ఎజెండా. అందుకోసం ఎంతకయినా తెగించడమే ఆయన నైజం. మళ్లీ ఆంధ్ర ప్రజలను పిచ్చోళ్లను చేసి ఆడించాలని చూస్తున్నడు. ఆయన పాతకాలను సమర్థించేందుకు బాకాలు, డబ్బాలు మళ్లీ మోపయినయి.

బీసీ రిజర్వేషన్లపై ఏది నిజం?

head-in-sand

బీసీ రిజర్వేషన్ల పెంపుపై న్యాయస్థానాల తీర్పులను మరుగున పరిచి తెలంగాణ ప్రభుత్వాన్ని బద్నాం చేసే ప్రయత్నం నడుస్తున్నది. ఏ రిజర్వేషన్లయినా 50 శాతానికి మించకుండా చూడండి అని సుప్రీంకోర్టు ఆదేశాలిచ్చింది. కొందరు బీసీ రిజర్వేషన్లపై సుప్రీంకోర్టుకు వెళితేనే సుప్రీంకోర్టు ఈ తీర్పు ఇచ్చింది. మరోవైపు నెలరోజుల్లో పంచాయతీ ఎన్నికలు పూర్తి చేసి తీరాలని హైకోర్టు తీర్పు ఇచ్చింది. ఇదీ కొందరు ప్రభుత్వానికి వ్యతిరేకంగా వేసిన పిటిషన్ వచ్చిన తీర్పే. ఈ రెండు తీర్పులను దృష్టిలో పెట్టుకుని తెలంగాణ ప్రభుత్వం 34 శాతం రిజర్వేషన్లను 23.81 శాతానికి తగ్గిస్తూ అత్యవసర ఆదేశాలు జారీ చేసి ఎన్నికల నిర్వహణకు సిద్ధమయింది.

ఈ వాస్తవాలను మరుగున పరిచి కొందరు మాజీ న్యాయమూర్తులతో సహా ప్రతిపక్ష నాయకులు బీసీ రిజర్వేషన్లను ఎలా తగ్గిస్తారని ప్రశ్నిస్తున్నారు. ప్రభుత్వానికి దురుద్దేశాన్ని ఆపాదించాలని కుట్రపూరితంగా ప్రచారం చేస్తున్నారు. ముఖ్యమంత్రి కేసీఆర్ రిజర్వేషన్లపై 50 శాతం సీలింగ్ ఎత్తివేయాలని ఎప్పటి నుంచో కోరుతున్నారు. రిజర్వేషన్ల మొత్తంపై కేంద్రం పెత్తనం కాకుండా రాష్ర్టాలకే నిర్ణయాధికారం ఉండాలని కోరుతున్నారు. ఆ విషయాలను మరుగునపర్చి మాజీ న్యాయమూర్తులు కొందరు రాజకీయ చిడతలు పట్టుకుని తిరుగుతున్నారు.

శకునాల బల్లి చంద్రబాబు

img_4885-3

తెలుగుదేశం చంద్రబాబునాయుడు అంతటి రాజకీయ అవకాశవాది, మాటలు మార్చే వాడు దేశంలో మరొకరు ఉండరు. ఏమాత్రం వెన్నెముక లేని రాజకీయ జీవి. నాలుగేళ్లపాటు ప్రధాని నరేంద్రమోడీతో అంటకాగిన చంద్రబాబు ఇప్పుడు ఏమీ తెలియనట్టు, ఏమీ జరగనట్టు వీరావేశాలు ప్రదర్శిస్తున్నారు. మూడో ఫ్రంటుకు అవకాశమే లేదని, నరేంద్రమోడీకి మేలు చేయడంకోసమే ముఖ్యమంత్రి కేసీఆర్ పర్యటనలు చేస్తున్నారని చంద్రబాబు ఆరోపిస్తున్నారు. కాంగ్రెస్, బీజేపీలలో ఏదో పార్టీకి దూరంగా ఫ్రంటులు మనుగడ సాగించలేవని చెబుతున్నారు. మరి 1989లో నేషనల్ ఫ్రంట్ ఏర్పాటు చేసినప్పుడు, ఆ తర్వాత 1996లో ఏర్పాటైన యునైటెడ్ ఫ్రంట్ ఎలా వచ్చాయి? ఎలా ప్రభుత్వాలు ఏర్పాటు చేశాయి?

చంద్రబాబునాయుడు దివాళాకోరు కాబట్టి అవేవీ గుర్తు లేవు. కాంగ్రెస్, బీజేపీలు ఒంటరిగా లేక కూటములుగా ఈసారి 150 నుంచి 200 స్థానాలలోపే గెల్చుకుంటాయి. ఉత్తరప్రదేశ్, బీహార్, బెంగాల్, ఒరిస్సా, తెలంగాణ, ఆంధ్రప్రదేశ్ నుంచి 225 లోక్ స్థానాలు ఉన్నాయి. ఈ రాష్ర్టాలలోని ప్రాంతీయ పార్టీలన్నీ జట్టు కడితే కాంగ్రెస్, బీజేపీ కూటమిలకంటే ఎక్కువ సీట్లు సాధించే అవకాశం ఉంది. ఈ స్థానాల బలంతో కేంద్రంలో నిర్ణాయక పాత్ర పోషించవచ్చు. కాంగ్రెస్, బీజేపీలను ఫెడరల్ ఫ్రంటుకే మద్దతు ప్రకటించాలని కోరే అవకాశం ఉంది. అది వదిలేసి నోటికి వచ్చినట్టు చంద్రబాబు మాట్లాడుతున్నారు. తనకు అనువైతే ఒకరకంగా కాకపోతే మరో రకంగా నాలుక మడతేయడం చంద్రబాబుకు అలవాటే.