ఉత్తమ్, జానారెడ్డిల కట్టడి

utt

తెలంగాణ అసెంబ్లీ ఎన్నికల్లో విజయం సాధించి ముఖ్యమంత్రులు కావాలని ఆరాటపడుతున్న పీసీసీ అధ్యక్షుడు ఉత్తమ్ కాంగ్రెస్ శాసనసభా పక్షం నేత కుందూరు జానారెడ్డి ఇప్పుడు నియోజకవర్గం వదలి బయటికి రాలేనిస్థితికి చేరుకున్నారు. ఉత్తమ్ అప్పుడో ఇప్పుడో హైదరాబాద్ వచ్చిపోవడం తప్ప ఇతర నియోజకవర్గాలలో ప్రచారం చేసే పరిస్థితి లేదు. ఉత్తమ్ మొదటిసారి గట్టిపోటీ ఎదుర్కొంటున్నారు. ఉత్తమ్ మొదటి నుంచి బలమైన ఓటుబ్యాంకుగా ఉన్న మఠంపల్లి, మేళ్లచెరువు మండలాల్లో టీఆర్ అభ్యర్థి శానంపూడి సైదిరెడ్డి మంచి పట్టుసంపాదించారు.

స్థానికుడు కావడం, మొదటి నుంచి సామాజిక సేవలో పనిచేస్తూ ఉండడం, నియోజకవర్గమంతా విస్తరించి ఉన్న బంధువర్గం సైదిరెడ్డికి బాగా కలసివస్తున్నాయి. టీఆర్ ప్రభుత్వమే మళ్లీ వచ్చే అవకాశం ఉన్నందున ఉత్తమ్ గెలిచినా నియోజకవర్గానికి ఎటువంటి ప్రయోజనం ఉండదని, అభివృద్ధి కుంటుపడుతుందని స్థానిక నాయకులు అభిప్రాయపడుతున్నారు. స్థానిక పరిస్థితులు రోజురోజుకు ప్రతికూలంగా మారుతుండడంతో ఆయన నియోజకవర్గాన్ని వదలకుండా ప్రచారం చేస్తున్నారు. ఆయితే ఈసారి ఎలాగైనా గెలవాలని, రాష్ట్రంలో కూటమి అధికారంలోకి వస్తే ముఖ్యమంత్రిని అవుతానని ఆయన స్థానికంగా నమ్మకం కలిగిస్తున్నారు. అయితే అది నెరవేరే అవకాశాలు రోజురోజుకు సన్నగిల్లుతున్నాయి.

జానారెడ్డి అయితే బాగా చెమటోడ్చుతున్నారు. ఎక్కడికిపోయినా ప్రతికూల పరిస్థితులు ఎదురవుతున్నాయి. ఆయన ఇంతవరకు నియోజకవర్గాన్ని వదలి బయటికి రాలేదు. ‘జానారెడ్డి ఇప్పుడు పడుతున్నంత కష్టం ఎప్పుడూ పడలేదు’అని నాగార్జునసాగర్ ప్రాంతానికి చెందిన నాయకుడొకరు అన్నారు. అక్కడా ఇదే పరిస్థితి నెలకొని ఉంది. మహాకూటమి గెలవదని , జానారెడ్డిని గెలిపిస్తే స్థానిక అభివృద్ధి కుంటుపడుతుందని టీఆర్ విస్తృతంగా ప్రచారం చేస్తున్నది. జనం నుంచి కూడా బాగా స్పందన వస్తున్నది. చివరి నాలుగైదు రోజులు చాలా కీలకం.

O creator, just shut up

This Google Earth map is of 18th April 2004. Is there any Outer Ring Road in the picture? Is there Airport in this map? Development is a process. Some one thought it. Next one started it. Later one finished it. This cycle of development is eternal. If not you someone will take it forward.outer

యెక్కడి నుండి యెక్కడికి

IMG_2800-0

ఆకాశంబున నుండి శంభుని శిరంబందుండి
శీతాద్రి సుశ్లోకంబైన హిమాద్రి నుండి
——————————-
బయోధి నుండి పవనాంధోలోకమున్ జేరె
కూలంకశ పెక్కుభంగుల్ వివేక భ్రష్టసంపాతముల్

-Bhartruhari

బుల్లెట్-తో ఆలింగనం

rahul

చంద్రబాబుకు ఇంకా తెలంగాణలో ఏదో ఉందని కాంగ్రెస్ నాయకులు భావించడం, హైదరాబాద్ తానే నిర్మించానని చంద్రబాబు పదేపదే చెప్పుకోవడం చాలా ఎబ్బెట్టుగా ఉంది. ఇవ్వాళ ఒకే వేదికపై చంద్రబాబు, గద్దర్, కోదండరామ్ రాహుల్ సురవరం సుధాకర్ చూస్తే రాజకీయాలు ఎలా మలుపు తీసుకుంటున్నాయో అర్థమవుతుంది.

‘కాంగ్రెస్ తెలంగాణ ఇచ్చిన పుణ్యం కొంచెమయినా దక్కేదుండే. అది చంద్రబాబుతో చేతులు కలపడంతో గంగల కలిసింది. ఎవరు ఏం కవరింగు ఇచ్చినా చంద్రబాబు తెలంగాణకు చేసిన ద్రోహం మరువం. చంద్రబాబు, ఆంధ్ర కాంగ్రెస్ నాయకులు చేసిన దుర్మార్గాలవల్లే తెలంగాణ ఆలస్యమయింది. శ్రీకాంతాచారి మొదలు వందలమంది విద్యార్థులు, యువకులు ఆత్మహత్యలు చేసుకున్నారు. మా గాయాలు మానలేదు. మళ్లీ వాళ్లను ఎలా ఆహ్వానిస్తం” అని ఓయూ విద్యార్థి నాయకుడు ఆగ్రహం వ్యక్తం చేశాడు.

విద్యుత్ ఉద్యమకారులపై కాల్పులు జరిపిన చంద్రబాబు దాష్టీకానికి వ్యతిరేకంగానే తెలంగాణ ఉద్యమ దీపం వెలిగింది. కాల్పుల్లో ముగ్గురు యువకులు బలయ్యారు. ఆ ఘటనకు చంద్రబాబు అప్పటికీ ఇప్పటికీ ఎప్పుడూ పశ్చాత్తాపం ప్రకటించలేదు.

తన వెన్నులో బుల్లెట్ ఉందని, అది దింపిన వారిని ఇప్పటికీ శిక్షించలేదని గద్దరన్న చాలాకాలంగా విమర్శిస్తున్నారు. ఇటీవల తనపై దాడి జరిగి ఇరవైయ్యేళ్లు పూర్తయిన సందర్భంగా ఒక పెద్ద సభ కూడా నిర్వహించి గజ్జెకట్టి కదను తొక్కారు. గద్దరన్న వెన్నులో బుల్లెట్ దించింది ఎవరో ఆయనకు తెలసు. ఇవ్వాళ నేరుగా వెళ్లి ఆ బుల్లెట్ కౌగిలించుకున్నారు. పొడుస్తున్న పొద్దు ఖమ్మం సభలోనే అస్తమించింది. అక్కడితో ఒక చరిత్ర ముగిసినట్టనిపించింది.

ఇక కోదండరామ్ రాజకీయాధిపత్యానికి వ్యతిరేకంగా పోరాడిన సారు చివరికి తెలుగుజాతిని ఏకం చేసి వీరునితో కలిసి ఉపన్యాసాలు దంచారు. చంద్రబాబును ఏ ప్రమాణాలతో తూచినా కోదండరామ్ మిత్రునిగా చెప్పుకోలేరు. మిత్రునిగా చెప్పుకోలేని మనిషితో ఒకే వేదిక పంచుకోవడంలోనే ఆయన తెలంగాణవాదం అంతమయింది. సురవరం సుధాకర్ చంద్రబాబుతో పొత్తును ఎలా సమర్థించుకుంటారో తెలియదు. ఎవరూ ఏ విలువలకూ కట్టుబడరు. గతంలో ఎందుకు తన్నుకున్నారో, ఇప్పుడెందుకు కలిసిపోయారో కనీసం ప్రజలకు వివరణ ఇచ్చుకునే ప్రయత్నమూ చేయరు.

వీరంతా కలిసి ఇప్పుడు “తెలంగాణను విముక్తి చేస్తారట. ఎవరి నుంచి తెలంగాణకోసమే పార్టీ పెట్టి, తెలంగాణకోసమే ఉద్యమించి, తెలంగాణకోసమే అందరి మెడలూ వంచి, తెలంగాణ సాధించి, స్వపరిపాలన ఫలాలు అందించిన టీఆర్ కేసీఆర్ నుంచి తెలంగాణను గుంజుకునే ప్రయత్నం చేస్తున్నారు. తెలంగాణలో చంద్రబాబుకు ఇంకేమీ లేదని చాటాల్సిన సమయం వచ్చింది. టీడీపీని ఇక్కడ అడుగుపెట్టనివ్వద్దు. ఒక్క సీటులోనూ టీడీపీ గెలవకూడదు” అని ఖమ్మం సభను చూసి ఒక తెలంగాణవాది ఆవేశపడ్డాడు.

ఉత్తమ్ ప్రతిజ్ఞల కథ

ఉత్తమ్ గడ్డం తీసి ప్రచారానికి వెళితే బాగుండేది అని ఆ మధ్య రాజకీయ కుటుంబం నుంచి వచ్చిన ఒక సీనియర్ సిటిజన్ అన్నారు. ఆయన కాంగ్రెస్ గెలిపించే దాకా గడ్డం తీయనన్నారని చెబుతారు. అంత తీవ్రమైన ప్రతిజ్ఞ ఎందుకు చేశారో తెలియదు.

ఇది ఇలా ఉండంగానే మొన్న మీట్ ప్రెస్ కూటమి గెలవకపోతే నేను గాంధీభవన్ అడుగుపెట్టను అని మరో ప్రతిజ్ఞ చేశారు. మరుసటిరోజు మరో మీట్ ప్రెస్ తూచ్ నేను తమాషాకు అన్నాను అన్నారు. బహుశా గెలవదని గ్రహించి తూచ్ అన్నాడేమోనని ప్రత్యర్థులు కామెంటు చేస్తున్నారు.

కాంగ్రెస్ పార్టీకి నాయకత్వం వహించే ఒక సీనియర్ నాయకుడు ఇటువంటి ఆషామాషీ ప్రకటనలు చేయడం విడ్డూరం. ఆయన తమ పార్టీ శ్రేణులకు భరోసా ఇవ్వడం కోసం ఇటువంటి మాటలు మాట్లాడుతున్నారేమో, కానీ నవ్వుల పాలు కావడం తథ్యం.

ప్రతిజ్ఞలతోకాదు సమర్థవంతమైన నాయకత్వంతో భరోసా ఇవ్వాలి. ఒట్టిమాటలు ఎంత గట్టిగా చెప్పినా జనం లెక్కచేయరు. అంచనాలు, సర్వేలు అన్నీ టీఆర్ విజయావకాశాలను సూచిస్తున్నాయి. అదేగనుక జరిగితే ఉత్తమ్ గడ్డం కథ ఎలా ముగుస్తుందని అందరూ ప్రశ్నిస్తున్నారు.

కూటమి సభలకు జనమేరి?

TDP-CONGRESS-1

టీఆర్ సభలు జనసందోహంతో కిటకిటలాడుతున్నాయి. కేసీఆర్ సభలతోపాటు కేటీఆర్, హరీశ్ సభలు, రోడ్డు షోలు కూడా సూపర్ నమస్తే తెలంగాణతోపాటు అన్ని పత్రికల్లో సభల ఫొటోలు వస్తున్నాయి. కూటమి నాయకులు కూడా సభలు, రోడ్డుషోలు నిర్వహిస్తున్నారు. కానీ ఏ పత్రికలో కూడా ఆ సభల ఫోటలు రావడం లేదు.

చానెళ్లలో కూడా కూటమి నాయకులు మాట్లాడిందే చూపుతున్నారు తప్ప, కింద జనం ఎంతమంది ఉన్నారన్నది చూపడం లేదు. సరే టీఆర్ అనుకూల పత్రికలు ప్రచురించడం లేదు. కూటమి అనుకూల పత్రికల్లో కూడా వారి సభల ఫొటోలు రావడం లేదు.

సభల్లో జనం ఎక్కువమంది లేకపోవడం కారణం అయి ఉండాలి. మొన్న ఆ మధ్య కోదండరామ్ సారు దుబ్బాకలోనో ఏమో ఒక సభలో కుర్చీలనుద్దేశించి ప్రసంగించారు. నిన్న ఎల్ రమణ ఉప్పల్ రోడ్డు షో నిర్వహించారు. పచ్చభక్తి కలిగిన టీవీలు రమణ ప్రసంగాన్ని చూపించాయి తప్ప సూత్రానికన్నా ఒక్క సారి జనాన్ని చూపించడం లేదు.

ఒకవైపు టీఆర్ సభలకు జనం పెద్ద ఎత్తున హాజరవుతున్నారు. కేరింతలు కొడుతున్నారు. మరోవైపు కూటమి సభలకు అంతంతమాత్రంగా వస్తున్నారు. స్పందన గొప్పగా ఉండడం లేదు. ఇది దేనికి సూచన?

 

కాంగ్రెస్ సీఎం అభ్యర్థులు- గెలిచేదెవరు? ఓడేదెవరు?

image

కాంగ్రెస్‌లో సీఎం అభ్యర్థులకు కొదువలేదు. మొన్న మేడ్చల్ సభలోనే ఎవరో ఒకరిని సీఎం అభ్యర్థిగా ప్రకటిస్తారని ప్రచారం జరిగింది. కానీ ఎందుకో ఆగిపోయింది. ఉత్తమ్‌కుమార్‌రెడ్డి, జానారెడ్డి, రేవంత్‌రెడ్డి, కోమటిరెడ్డి సోదరులు, దామోదర రాజనరసింహ, మల్లు భట్టి విక్రమార్క, గీతారెడ్డి, డీకే అరుణ, జైపాల్‌రెడ్డి….ఈ జాబితాకు అంతులేదు. వీరంతా సీఎం కావాలని ఆశిస్తున్నవారే. కానీ కాంగ్రెస్‌కు పరిస్థితులు అనుకూలంగా లేవని సర్వేలు, రాజకీయ విశ్లేషణలు సూచిస్తున్నాయి.

బెట్టింగులు పెట్టే వాళ్లు కూడా ఇప్పుడు కాంగ్రెస్ విజయంపై ముందుకు రావడం లేదు. కాంగ్రెస్ గెలుస్తుంది యాభైకి యాభై అని కాలుదువ్విన ఒక పెద్ద మనిషి ఆ తర్వాత రెండు రోజులకే జారిపోయారని ఒక పరిశీలకుడు చెప్పారు. కొంత మంది సీట్లపైన బెట్టింగులకు దిగుతున్నారని సమాచారం. ఫలానాయన గెలుస్తారా ఓడుతారా అన్న అంశంపై బెట్టింగులు జరుగుతున్నాయట. ఎన్నికల ప్రచారం పతాక స్థాయికి చేరుకున్న ఈ తరుణంలో అభ్యర్థుల విజయావకాశాలపై ఒకింత స్పష్టత వస్తున్నది. టీఆర్‌ఎస్‌కు అనుకూల పవనాలు వీస్తున్నాయని చాలా మంది విశ్లేషకులు చెబుతున్న విషయం.

నల్లగొండ జిల్లాలో ఒక స్థానం గురించి ఒక సీనియర్ నాయకుడిని అడిగితే, అక్కడ అభ్యర్థి ముఖ్యం కాదు, కేసీఆర్‌ను చూసి ఓటేస్తారు. టీఆర్‌ఎస్ గెలుస్తుంది అని ఆయన వ్యాఖ్యానించారు. మరో ఊళ్లో ఒక కమ్యూనిస్టు కార్యకర్త, మాకు నీళ్లొచ్చాయి, రోడ్లొచ్చాయి, టీఆర్‌ఎస్‌కు వేయకపోతే అన్యాయంగా ఉంటుంది అని వ్యాఖ్యానించారు. టీఆర్‌ఎస్ చేసిన పనులు ప్రభావం చూపిస్తున్నాయి. ఈ పరిస్థితే గనుక పోలింగురోజువరకు కొనసాగితే కాంగ్రెస్ సీఎం అభ్యర్థులు కూడా ఎదురీదవలసిందే. సీఎం అభ్యర్థుల్లో ఒకరిద్దరు తప్ప, అందరికీ ఓటమి అవకాశాలే ఎక్కువగా కనిపిస్తున్నాయి.

నల్లగొండ జిల్లాలో కూడా సీఎం అభ్యర్థులంతా చెమటోడ్చుతున్నారు. ఇంతకాలం డబ్బులు ఖర్చు చేయని కాంగ్రెస్ నాయకులు సైతం ఇప్పుడు డబ్బులు బయటికి తీస్తున్నారు. ఈ ఎన్నికలను జీవన్మరణ సమస్యగా భావిస్తున్నారు. అయినా అందరూ గట్టేక్కేది కష్టమే. నాగార్జునసాగర్‌లో జానారెడ్డి ఎదురీదుతున్నారు. ఉత్తమ్‌కుమార్‌రెడ్డికి కూడా చాలా కష్టంగా ఉంది. కోమటిరెడ్డి బ్రదర్స్‌ది లాటరీ టైపు.

గీతారెడ్డి, రాజనరసింహలకు విజయం అందని పండు కావచ్చు. మల్లు భట్టి విక్రమార్క ఒక్కడే కాస్త బెటర్‌గా ఉన్నారని వార్తలు వస్తున్నాయి. రేవంత్‌రెడ్డి రాష్ట్రమంతా తిరుగుతున్నారు, కానీ సొంత నియోజకవర్గంలో మొదటిసారి ఆయనకు గట్టి సవాలు ఎదురవుతున్నది. గద్వాలలో డీకే అరుణకు విజయావకాశాలు తక్కువగా ఉన్నాయి.

సర్వేలు ఏం చెబుతున్నాయి?

surveys1f

తెలంగాణ ఎన్నికలపై ఇప్పటివరకు అరడజను సర్వేలు వెలువడ్డాయి. కొన్ని ప్రసారం అయ్యాయి. కొన్ని కాలేదు. ఒక్క సర్వే తప్ప అన్ని సర్వేలు టీఆర్ తిరిగి అధికారంలోకి రాబోతున్నదని సూచించాయి. సీ-ఓటర్ సర్వే మాత్రం కాంగ్రెస్ అధికారంలోకి వచ్చే అవకాశం ఉందని సూచించింది. ముఖ్యమంత్రిగా తిరిగి కేసీఆర్ రావాలని కోరుకునే వారు ప్రతి సర్వేలోనూ 60 శాతం దాకా ఉన్నారు. టీఆర్ ప్రభుత్వ పనితీరు సంతృప్తికరంగా ఉందని చెప్పిన వారి శాతం కూడా 50 నుంచి 60 శాతం వరకు ఉంది. కాంగ్రెస్ విజయావకాశాలు ఉన్నాయని చెప్పే నియోజకవర్గాల్లో కూడా ముఖ్యమంత్రిగా కేసీఆరే ఉండాలన్నవారి సంఖ్య ఎక్కువగా వస్తున్నది.

గ్రామీణ ప్రాంతాలలో టీఆర్ బాగా నమ్మకం కనిపిస్తున్నది. పట్టణ పేదల్లో కూడా టీఆర్ అంటేనే ఎక్కువగా ఆసక్తి కనిపిస్తున్నది. కాంగ్రెస్ ఒక దశలో బలమైన శక్తిగా కనిపించినప్పటికీ పొత్తులపేరుతో టీడీపీని చేరదీయడం, సీట్ల పంపిణీ పేరిట రోజుల తరబడి కుమ్ములాడుకోవడం ఆ పార్టీ విజయావకాశాలను బాగా దెబ్బ తీసింది. చాలా నియోజకవర్గాల్లో వారికి పూర్తిస్థాయిలో ప్రచారం చేసుకునే అవకాశం కూడా లేకుండా పోయింది. మరోవైపు టీఆర్ ఊపిరి సలుపకుండా విస్తృతంగా ప్రచారం కొనసాగిస్తున్నది.

కేసీఆర్ సుడిగాలిలా రాష్ట్రమంతటా తిరిగి టీఆర్ అభ్యర్థులకు గట్టి బూస్టును ఇస్తున్నారు. కేటీఆర్, హరీశ్ కూడా తమకు అప్పగించిన నియోజకవర్గాలలో హోరు పుట్టిస్తున్నారు. టీఆర్ సభలకు ప్రజాస్పందన కూడా బాగా ఉంది. కాంగ్రెస్ నాయకులు జనసమీకరణకు చాలా కష్టపడవలసి వస్తున్నది. సీనియర్ కాంగ్రెస్ నాయకులు ఎవరి నియోజకవర్గాలకు వారే పరిమితం కావలసిన పరిస్థితి. ఒక్క రేవంత్ చాలా మంది కాంగ్రెస్ అభ్యర్థులు ప్రచారానికి పిలుస్తున్నారు. విజయశాంతి, మరికొందరు నాయకులు ప్రచారానికి వస్తామన్నా పిలిచేవారు లేరు.

నియోజకవర్గాల్లో నెలకొని ఉన్న పరిస్థితే సర్వేలలో వ్యక్తమవుతున్నది. ప్రచురించని, ప్రసారం కాని సర్వేలు కూడా కొన్ని బయటికి వచ్చాయి. ఒక టీవీ చానెల్ నిర్వహించిన సర్వేలో టీఆర్ 90 స్థానాలు వచ్చినట్టుగా సమాచారం. మరో పత్రిక నిర్వహించిన సర్వేలో కూడా టీఆర్ అనుకూలంగా వేవ్ ఉన్నట్టు వెల్లడయింది. అయితే అవేవీ ఎన్నికల నియమావళి కారణంగా ప్రచురించబడలేదు.