Election Arithmetics of Navyandhra

Andhra Jockey’s might be thinking that they can manipulate people opinion by creating hype and artificial consent manufacturing. But history proved otherwise many times. Cooked and baked surveys by beneficiaries of TDP rule may boast a colourful picture for that party again and again. The number one newspaper couldnot saved Chandrababu publishing half baked surveys by then election expert GVL in 2004 elections.

The same media combine could not stop YSR second ‘win’nings in 2009. Media can give a little boost to party machinery. But ultimate strength of any victory is original confidence one created among the people. If at once trend sets in nothing can stop the change. Media boosts will be wiped out with a force of storms.

Here is the arithmetic

TDP is losing its ground very fast. Its visible. Media houses internal assesments also indicating the same trend. But they want otherwise. Hence these cooked up surveys. Their aim is to stop political migration towards YCP, and giving some hope to TDP cadres. TDP is in worst situation when compared to 2014. Then it was seen as Samaikyandhra champion. BJP and Pawan Kalyan supported him with open mind. Congress was in shambles. YCP was unorganised and immature.

Inspite of all the support TDP-BJP combine could get 46.69 percent votes and YCP 45 percent, which translates intovotes difference of 6,01,539. TDP-BJP polled 1,35,48,599 votes against the YCP’s 1,28,40,033. TDP on its own got 1,29,16,000. Difference between TDP and YCP is less than a lakh votes. YCP fought on its own, where as all the Samaikyandhra forces rallied behind Chandrababu.

Now that picture is blown to pieces. Pawan Kalyan dragged his feet back and resorted to fight against Chandrababu. This time his support base will vote against Chandrababu. Winnability may decide their choice. Chandrababu seems to be number one enemy of Pawan Sena. They feel that CBN ditched them. BJP is contemptuously fighting TDP. They had 8 percent of votes for them in Andhra in most of the elections. One point of the time BJP got 19 percent votes.

They left alliance and working to defeat TDP. CBN inflicted irreparable hurt on some major communities. Muslims and Christians are not with CBN. His anti BJP stunts may not change the muslims mindimmediately. CBN is suffering from trustworthiness. Loss of confidence, lack of consistency and incoherent behaviour and statements doing lot of harm to CBN.

Except Pattiseema Project his contribution to build Navyandhra is a big Zero. Drawing of water from Pattiseema and bringing to Krishna cannot be attributed entirely to CBN. Arrangement of lift and digging a three kilometers canal is CBNs contribution. But more than 200 kilometers canal which is carrying Pattiseema water to Krishna was dug by YSR government itself. By all means TDP is on the losing ground. Now no party is with TDP. According to a pre poll survey expert, ‘It is estimated that TDP lost 10 percent points of votes when compared to 2014 elections’. ‘Media boosts are seen as oxygen support to a struggling patient’ he said.

Advertisements

మరో ఆధునిక దేవాలయం

 సాంకేతిక అద్భుతం కాళేశ్వరం
రూపుదిద్దుకుంటున్న మహా జలసాధన వ్యవస్థ

Mon,June 11, 2018 02:24 AM

Kaleshwaram1
ప్రాజెక్టులు ఆధునిక దేవాలయాలు అన్నారు పండిట్ జవహర్‌లాల్ నెహ్రూ నాగార్జునసాగర్ ప్రాజెక్టును జాతికి అంకితం చేస్తూ. ఇప్పటి ప్రాజెక్టులు ఆధునిక దేవాలయాలే కాదు, ఆధునిక సాంకేతిక, నిర్మాణ అద్భుతాలు. లోకం అబ్బురపడే మహానిర్మాణాలు. ఒకటిన్నర కిలోమీటర్ల సొరంగం తర్వాత, సుమారు 22 అంతస్తుల భవంతిని (60 మీటర్ల ఎత్తు) తలదన్నే ఒక అపూర్వ భూగృహం నిర్మించి, అందులో ప్రపంచంలోనే అత్యధిక సామర్థ్యం కలిగిన మోటర్లు, పంపులు, అతిపెద్ద జలాశయం, రిమోట్‌తో పనిచేసే మహాయంత్ర భూతాలు ఏర్పాటుచేస్తే అది మరో యాత్రాస్థలం కాక ఏమవుతుంది. అందుకే కాళేశ్వరం ప్రాజెక్టు యాత్రాస్థలి అయ్యింది. మనిషి ఊహకందని నిర్మాణం అది. నూట ముప్ఫై తొమ్మిది మెగావాట్ల సామర్థ్యం కలిగిన మోటర్లు ఒక్కొక్కటి మూడువేల క్యూసెక్కుల చొప్పున, ఆరుమోటర్లతో రోజుకు రెండు టీఎంసీల నీటిని పంపింగ్ చేసే మహాజలసాధన వ్యవస్థ అది.

 

తెలంగాణ జలయజ్ఞానికి ముఖద్వారం ఆ భూగృహంలోని ఎగ్జిట్ టన్నెల్. అక్కడి నుంచే మిడ్ మానేరుతో మొదలై అనంతసాగర్, రంగనాయకసాగర్, మల్లన్నసాగర్‌లకు నీరు వచ్చేది. మల్లన్నసాగర్ నుంచే ఇటు గంధమల్ల, బస్వాపూర్‌లకు, అటు సింగూరు, నిజాంసాగర్‌లకు నీరందించేది. శ్రీరాంసాగర్‌కు గోదావరి నీరు సరిగా రాక ఒట్టిపోయిన ఉత్తరతెలంగాణకు పునర్జీవమిచ్చే ప్రాజెక్టులు, రిజర్వాయర్ల పరంపర ఇది. నదులు, ఉపనదులు, వాగులు, వంకలకు జలమాల వేసే బృహత్ ప్రయత్నమిది. ఒకప్పుడు ఒక ప్రా జెక్టు కట్టడమంటే మూడు నాలుగు పంచవర్ష ప్రణాళికలు గడచిపోయేవి. తెలంగాణ ప్రభుత్వం మొదటి ఐదేండ్లు దాటకుండానే తెలంగాణకు జలధారలను మళ్లించే విధంగా ప్రాజెక్టుల నిర్మాణ పనులను పరుగులు పెట్టిస్తున్నది. భూమికి అంత లోతున పైనించి చూస్తే వందల మంది యువకులు చీమల దండులాగా ఎవరిపని వారు చేస్తున్నారు.

సరిహద్దులో యుద్ధం చేస్తున్నవారిలా కనిపించారు. ఎవరు వస్తున్నారు ఎవరు పోతున్నారన్నది పట్టించుకునే పరిస్థితిలో వారు లేరు. పని ఒక్కటే పరమార్థం. ఇరవైనాలుగు గంటలూ పనిజరుగుతున్నది. ఒక షిఫ్టు సిబ్బంది డ్యూటీ దిగగానే మరో షిఫ్టు సిబ్బంది పనిలోకి ఎక్కుతారు. ఏ రోజూ పని ఆపలేదు. కేవలం మూడేండ్ల వ్యవధిలో ఇంత నిర్మాణం చేయగలిగాం. ముఖ్యమంత్రి కేసీఆర్ గారు, మా మంత్రి హరీశ్‌రావుగారల రోజువారీ సమీక్షలు, ప్రత్యక్ష పర్యవేక్షణతో మావాళ్లంతా మరింత హుషారుగా, అప్రమత్తంగా పనిచేస్తున్నారు. సాధ్యమైనంత త్వరగా నీళ్లివ్వాలన్నది అం దరి తపన అని రామడుగు భూగృహంలో పనులను పర్యవేక్షిస్తున్న ఇంజినీర్ చెప్పారు. హైదరాబాద్‌లో మనం ఏమేమో మాట్లాడుకుంటూ ఉంటాం. ప్రాజెక్టులపై వివాదాలు, రాజకీయాలు, కేసుల గోల వినిపిస్తుంటుంది. కానీ అంతటి భూగర్భంలో అన్ని వందలమంది తదేక దీక్షతో ఎవరిపని వారు చేసుకుపోతుంటే ఆశ్చర్యం అనిపించింది. వారెవరూ ఈ జలాలతో ప్రయోజనం పొందేవారు కాదు. బీహార్, ఒరిస్సా, ఉత్తరప్రదేశ్ ప్రాంతాల నుంచి వచ్చి పనిచేస్తున్న కార్మికులు.

తెలంగాణ ఉద్యమ కాలంలో, ఆ తర్వాత ప్రభుత్వంలో నీళ్లకోసం, ప్రాజెక్టులకోసం ఆరాటపడిన తెలంగాణ ఇంజినీర్లు, జలయజ్ఞం అంటే ధనయజ్ఞం కాదని, ఆధునిక దేవాలయాల నిర్మాణమని, కోట్లాది మంది జీవితాల్లో జలసిరులు కురిపించే యజ్ఞమని భావించే నిర్మాణసంస్థల సిబ్బంది. అలా అనుకోకపోతే అన్నారం బరాజ్ కేవలం 14 మాసాల వ్యవధిలో నీళ్లు నిలుపగలస్థితికి నిర్మాణం పూర్తయ్యేది కాదు. గోదావరి జలధారలను మళ్లించే కన్నెపల్లి పంపుహౌస్, ప్రధాన కాలువ ఆగమేఘాలపై నిర్మాణం జరిగి తుదిదశకు చేరుకునేది కాదు. మేడిగడ్డ బరాజ్ పూర్తికావడానికి మరి రెండేండ్లు పట్టవచ్చు, కానీ, మేడిగడ్డ బ్యాక్‌వాటర్ నుంచి నీళ్లు తీసుకోవడం మాత్రం మరో రెండుమూడు మాసాల్లో ఎట్టిపరిస్థితుల్లో ప్రారంభిస్తామని ఇంజినీర్లు ధీమాగా చెప్తున్నారు.
Kaleshwaram1
తవ్విపోసిన మట్టి గుట్టలు, అద్భుతమనదగిన పంపుహౌస్‌లు, సర్జ్‌పూళ్లు, గేట్ల నిర్మాణం, కిలోమీటర్ల పొడవునా సాగిపోయే కాలువలు, మొత్తంగా అక్కడ జరిగిన పని పరిమాణం, అందుకు మన ఇంజినీర్లు, నిర్మాణ సిబ్బంది తీసుకున్న సమయం చూస్తే, మనుషులేనా, మనవాళ్లేనా ఈ పనిచేసింది అనే ఆశ్చర్యం కలుగుతుంది. నిర్మాణ విభాగం, యంత్ర విభాగం, విద్యుత్ విభాగం, ప్రణాళికా విభాగం- ఏ శాఖకు ఆ శాఖ ఇంజినీర్లు ఏకకాలంలో అన్ని పనులను వేగంగా, నాణ్యంగా పూర్తి చేస్తున్నారు. ప్రాజెక్టులకు సంబంధించిన అన్ని పనులు ఏకకాలంలో ఏకరీతిన, నాణ్యంగా, త్వరితంగా ముందుకు సాగుతుండటం సంతృప్తికరంగా ఉంది అని కేంద్ర జలసంఘం అదనపు కార్యదర్శి వైకే శర్మ అన్నారు. కాళేశ్వరం ప్రాజెక్టుల వ్యవస్థ నుంచి 270 టీఎంసీల నీటిని తెలంగాణ భూములకు మళ్లించుకునే అవకాశం ఉంది. కానీ, ప్రస్తుతానికి 180 టీఎంసీలను మాత్రమే తరలించుకునే విధంగా మెకానికల్, ఎలక్ట్రికల్ పనులు జరుగుతున్నాయి అని ఈఎన్సీ మురళీధర్ చెప్పారు. ఈ ప్రాజెక్టు కింద కాళేశ్వరం నుంచి ఇటు యాదగిరిగుట్ట సమీపంలోని బస్వాపూర్ వరకు, అటు భూంపల్లి వరకు 20 రిజర్వాయర్లలో 147 టీఎంసీల నీటిని నిల్వచేసే ఒక అద్భుతమై ప్రణాళికను తెలంగాణ ప్రభుత్వం అమలు చేస్తున్నది. ఒక్క సీజనులోనయినా సరే 147 టీఎంసీల నీరు తెలంగాణ గడ్డపై నిల్వ ఉంచినా, పొలాలకు పారించినా తెలంగాణ నేల ఎంతగా పులకించిపోతుందో, భూగర్భ జలాలు ఎలా పెరుగుతాయో, చెట్టు చేమ, పశుపక్షాదులు ఎలా ఎదుగుతాయో అర్థం చేసుకోవచ్చు.

ఏకకాలంలో ఇన్ని బరాజ్‌లు, పంపుహౌస్‌లు, టన్నెళ్లు, కాలువలు, ఇంతపెద్ద లిఫ్టింగ్ వ్యవస్థను నిర్మించిన చరిత్ర దేశంలో మరే రాష్ర్టానికి లేదు. దేశం సృష్టించుకున్న అద్భుతాల్లో ఇదొకటి అవుతుంది అని కాళేశ్వరం ఈఎన్సీ హరిరాం చెప్పారు. కొత్తగా 18.25 లక్షల ఆయకట్టుకు నీరందించడంతోపాటు, మరో 18.75 లక్షల ఎకరాల పాత ఆయకట్టును స్థిరీకరించడం (శ్రీరాంసాగర్, నిజాంసాగర్, ఇతర ప్రాజెక్టుల కింద నీళ్లు అందని ఆయకట్టుకు నీళ్లివ్వడం) కాళేశ్వరం ప్రాజెక్టు అంతిమ లక్ష్యం. మొత్తం 37 లక్షల ఎకరాలకు నీళ్లొస్తే ప్రజల జీవితాల్లో ఎంత మార్పు వస్తుందో ఊహించండి అని ఆయన అన్నారు. మా వాళ్లంతా ఎంతో టీమ్ స్పిరిట్‌తో పనిచేస్తున్నారు. ఈ ప్రాజెక్టుల నిర్మాణంలో భాగస్వాములు కావడం, పూర్తిచేయడం గొప్ప అదృష్టంగా భావిస్తున్నాం అని చీఫ్ ఇంజినీరు వెంకటేశ్వర్లు తెలిపారు. వాటర్ ఈజ్ కింగ్. వాటర్ ఈజ్ ఎవ్రీథింగ్. దిస్ ప్రాజెక్ట్ ఈజ్ ఎ మార్వెల్ అని అన్నారు పాత్రికేయ మిత్రుడు, టైమ్స్ ఆఫ్ ఇండియా రెసిడెంట్ ఎడిటర్ కేఆర్ శ్రీనివాస్.

ప్రాజెక్టులపై కొందరు కావాలని వివాదం సృష్టిస్తున్నారు. వాళ్లకు ఇంకా తెలంగాణ ఏమి కోరుకుంటున్నదో అర్థం కావడం లేదు. ఎక్కడైనా గొడవపడండి. ప్రాజెక్టుల జోలికి రావద్దు. ఇప్పుడు నోరుపెట్టుకుని గోలచేస్తున్న వాళ్లంతా ఈ ప్రాజెక్టులు పూర్తయిన రోజున నోరు విప్పలేరు. కనీసం తలెత్తుకు తిరుగలేరు అన్నారు నీటిపారుదల ఇంజినీరింగ్ సలహాదారు పెంటారెడ్డి. అది నీటికి ఉన్న శక్తి. నీటి విలువ తెలిసిన మనుషులు మాత్రమే అర్థం చేసుకోగలుగుతారు. తెలంగాణ ఆరు దశాబ్దాలుగా నష్టపోయింది సాగునీరు లేకనే..

తెలంగాణ ఓ ఫీనిక్స్

IMG_2293

Sun,June 3, 2018 08:37 AM

కాంగ్రెస్ ఏనాడైనా ప్రజాకేంద్రకంగా ఆలోచనలు చేసిందా? ప్రజలు ప్రాధాన్యంగా ప్రణాళికలు చేసిందా? ప్రజల కష్టనష్టాలు తెలిసిన నేత, తెలంగాణ పడిన యాతనను ఊరూరా తిరిగిచూసిన నాయకు డు, తెలంగాణ అనుభవించిన క్షోభను ప్రత్యక్షంగా చూసి, దేశవ్యాప్తంగా రాజకీయ ఏకాభిప్రాయాన్ని సమీకరించి, తెలంగాణలో సకల జనులను ఉద్యమపథం పట్టించి, తెలంగాణ రాష్ర్టాన్ని సాధించిన ఉద్యమకారుడు కేసీఆర్. తెలంగాణ ఉద్యమాన్ని ఎవరు ఎన్ని దెబ్బలు కొట్టినా, ఎంతగా ఖతం పట్టించాలని చూసినా పడిలేచిన కెరటంలా, ఒక ఫీనిక్స్‌లా తెలంగాణ ఉద్యమ కాంక్షను ఎగరేస్తూ వచ్చిన మహాసారథి కేసీఆర్.

తెలంగాణ రాష్ట్రం విజయవంతంగా నాలుగేండ్ల పాలన పూర్తి చేసుకొని ప్రజల్లో ఒక గొప్ప ఆత్మవిశ్వాసాన్ని, నమ్మకాన్ని నింపింది. అన్నిరంగాల్లో ఒక ప్రత్యేక ముద్రతో ముందుకు సాగుతున్నది. బంగారు తెలంగాణ లక్ష్యాన్ని సాధించే దిశగా ఒక్కొక్క అడుగు ముందుకువేస్తున్నది. పరిశ్రమలు, ఉపాధి అవకాశాలు విస్తరించడం, వ్యవసా యం, పంటదిగుబడులు రికార్డులు సృష్టించ డం, రాష్ట్రంలోని సుమారు కోటి కుటుంబాల్లో ప్రతికుటుంబానికి ఏదో ఒక సాయం అంద డం ప్రజల కళ్లల్లో ఆనందాన్ని, భవిష్యత్తుపై భరోసాను పెంచింది. మా పల్లెకు ఒక్క రైతు బంధు పథకం ద్వారానే 78 లక్షల రూపాయలు వచ్చాయి. పల్లె పండుగ చేసుకుంటున్నది. అన్నిరకాల ఆసరా పింఛన్ల ద్వారా నెలనెలా ఏడు లక్షల రూపాయలు వస్తున్నాయి. ఇంత ధనం మా ఊళ్లకు వచ్చిన చరిత్ర ఇంతవరకు లేదు. నాయకులు, అధికారులు, దళారీల ప్రమేయం లేకుండా మా పల్లెకు ఈ నిధులు వస్తున్నాయి.

మా చెరువులో ఈ ఎండాకాలం కూడా నీళ్లున్నాయి. మాకు ఇంతకన్నా ఏం కావాలి? ఇది బంగారు తెలంగాణ సాలు కాదా? అని ప్రశ్నించాడు ఒక రైతు నాయకుడు. రెవెన్యూ రికార్డుల సవరణలో కొన్ని లోపాలు జరిగిన మాట వాస్తవం. పట్టా పుస్తకాల్లో తప్పులు దొర్లిన మాట నిజం. అవి సరిదిద్దుతూ వేగంగా చర్యలు తీసుకుంటున్నారన్నదీ వాస్తవం. అయినా మొత్తం 56 లక్షల చెక్కుల్లో ఇప్పటికే 46 లక్షల మందికిపైగా చెక్కులు అందాయి. మిగిలినవి కూడా త్వరితగతిన పూర్తిచేయడానికి అన్ని చర్యలూ తీసుకుంటున్నది. అయితే ఇంత గొప్పగా జరిగిన ఈ కార్యక్రమానికి మసిబూయడానికి కొన్నిశక్తులు పనిగట్టుకొని ప్రయత్నిస్తున్నాయి. భూస్వాములు, పెత్తందారులకు మాత్రమే రైతుబంధు ఉపయోగపడుతున్నదని చెప్పడానికి కుట్రపూరితంగా వ్యవహరిస్తున్నాయి. ఇంతకాలం రైతును పట్టించుకున్న నాథుడు లేడు. కాంగ్రెస్ ఎప్పుడూ రైతు రుణమాఫీ అన్నా ఎగతాళి చేసిం ది. ఏ కాలంలోనూ రైతుకు ఒక్క పైసా ఆదాయం వచ్చే పనిచేయలేదు. రైతుకు గతంలో ఉన్న సబ్సిడీలన్నింటినీ ఆర్థిక సంస్కరణల పేరిట ఒక్కొక్కటీ పీకేస్తూ వచ్చిన పార్టీ అది. అటువంటి పార్టీ, ఇవ్వాళ తెలంగాణ ప్రభుత్వం రైతులకు చరిత్రలో కనీవినీ ఎరుగని ఒక పథకాన్ని తెస్తే, కళ్లల్లో నిప్పులు పోసుకుంటున్నది.

చంద్రుడిని చూడమంటే అందులోని మచ్చలను మాత్రమే చూసేవారిని బ్రహ్మదేవుడు కూడా బాగు చేయలేడు. వారిది ఉద్దేశపూర్వక అంధత్వం. చూపు ఉండీ చూడ నిరాకరించే మూఢత్వం. తెలిసీతెలియనట్టు నటించే కుటిలత్వం. రైతుబంధుపై విపక్షాలు లేవదీస్తున్న వాదనలు వింటుంటే విస్మయం కలుగుతున్నది. ఒక్క రైతుబంధు ఏమిటి ఏ అంశంపైనైనా వారి వాదనలు వింటుంటే వీరికి ప్రజలపట్ల ఏమైనా సానుభూతి ఉందా అనిపిస్తుంది. భూస్వాములకు, పెత్తందారులకు మాత్రమే ఉపయోగపడుతున్నదన్న వాదన చేస్తున్నవారికి ఒకటే ప్రశ్న. మీరు అధికారంలోకి వస్తే రైతుబంధు అమలు చేస్తారా లేదా? అమలు చేస్తే రైతులందరికీ ఇస్తారా లేదా? అంతదూరం ఎందుకు? అధికారంలోకి వస్తే రైతులకు రెండు లక్షల రుణమాఫీ చేస్తామని ఊదరగొడుతున్నారు కదా-మరి పేద రైతులెంతమందికి రెండు లక్షల రుణం ఉంటుంది. అసలు వారికి రుణం దొరుకుతుందా? బ్యాంకులు రైతులకు ఎంతవరకు రుణా లు ఇస్తున్నాయి? మీరు పేద రైతుల వరకే రుణమాఫీ చేస్తారా? లేక మీ భాషలోనే భూస్వాములకూ, పెత్తందారులకూ రుణమాఫీ చేస్తారా? రైతుబంధు పథకం దేశంలోనే మొదటిది. ఏ నాయకుడూ చేయని ఆలోచన.

ఏ పార్టీ అమలుచేయని గొప్ప పథకం. అది మొదలు పెడుతూనే పరిమితులతో, ఆంక్షలతో మొదలుపెడితే రైతుల్లో నమ్మకాన్ని కలిగించలేమని ప్రభుత్వం భావించి ఉంటుంది. తరతరాల సంక్షోభాన్ని నెత్తినెత్తుకొని ఉన్న తెలంగాణ రైతాంగంలో ఒక తిరుగులేని నమ్మకాన్ని కలిగించాలంటే ఎటువంటి పరిమితులు లేకుండా ముందుకెళ్లాలని ముఖ్యమంత్రి కే.చంద్రశేఖర్‌రావు భావించారని అధికారులు చెబుతున్నారు. నిజమే ధనిక రైతులను, స్వయంగా పెట్టుబడి పెట్టుకోగల రైతులను పథకం నుంచి మినహాయించి ఉంటే బాగుండేదని ఇప్పుడు చాలామంది నిపుణులు సూచిస్తున్నారు. పథకం ప్రారంభ దశలో కూడా ఈ సలహా ఇచ్చారని, ఈ దశలో అటువంటి పరిమితులు వద్దని ముఖ్యమంత్రి భావించారని అధికారవర్గాలు తెలిపాయి. సూచనలు, సలహాలు ఇవ్వడం వేరు. మెదడు నిండా బురద నింపుకొని ఆ బురదను పథకంపైన, ప్రభుత్వంపైన కుమ్మరించడం వేరు. అనుభవాల నుంచి ప్రభుత్వం పథకంలో మార్పులు తేవచ్చు. ముందుముందు మరింత అర్థవంతంగా ఈ పథకాన్ని అమలుచేయవచ్చు. కానీ ఆ పథకానికే కీడు తలపెట్టే దుర్మార్గపు విమర్శలు చేయడం వంకర బుద్ధులకు మాత్రమే చెల్లుతుంది. అయ్యా…వారిలో కొందరు అక్కు పక్షులు. ఇంకొందరు అక్కసు పక్షులు. వారు మంచిని చూడలేరు. మంచిని సహించలేరు. వారి మానసిక ఆరోగ్యం బాగోలేదు. వదిలేయండి అని మా రామశాస్త్రి అంటుంటాడు.

కాంగ్రెస్ ఏనాడైనా ప్రజాకేంద్రకంగా ఆలోచనలు చేసిందా? ప్రజలు ప్రాధాన్యంగా ప్రణాళికలు చేసిం దా? ప్రజల కష్టనష్టాలు తెలిసిన నేత, తెలంగాణ పడిన యాతనను ఊరూరా తిరిగిచూసిన నాయకు డు, తెలంగాణ అనుభవించిన క్షోభను ప్రత్యక్షంగా చూసి, దేశవ్యాప్తంగా రాజకీయ ఏకాభిప్రాయాన్ని సమీకరించి, తెలంగాణలో సకల జనులను ఉద్యమపథం పట్టించి, తెలంగాణ రాష్ర్టాన్ని సాధించిన ఉద్యమకారుడు కేసీఆర్. తెలంగాణ ఉద్యమాన్ని ఎవరు ఎన్ని దెబ్బలు కొట్టినా, ఎంతగా ఖతం పట్టించాలని చూసినా పడిలేచిన కెరటంలా, ఒక ఫీనిక్స్‌లా తెలంగాణ ఉద్యమ కాంక్షను ఎగరేస్తూ వచ్చిన మహాసారథి కేసీఆర్. ఆయన తెలంగాణ ముఖ్యమంత్రి అయ్యారు కాబట్టి, తెలంగాణ ప్రజలకు గరిష్ఠ మేలుచేసే దిశగా ఏదైనా చేయాలన్న పట్టుదలతో పనిచేస్తున్నారు కాబట్టి, వందలాది కొత్తకొత్త ఆలోచనలను పథకాలను అమలు చేస్తున్నారు కాబట్టి, ఇప్పుడు కాంగ్రెస్ నాయకులు వీధిన పడ్డారు. మేమూ చేస్తామంటూ అడ్డగోలు నినాదాలు, హామీ లు ప్రకటిస్తున్నారు. కాంగ్రెస్ ఏ పథకం ప్రకటించి నా అది దేశవ్యాప్తంగా అమలుచేయాలి. దానికి అధిష్ఠానం ఆమోదం తెలుపాలి. సొంతంగా అమలుచే సే దమ్మూ ధైర్యం జాతీయపార్టీ నాయకులుగా వారి కి ఉండవు. పైగా ఎప్పుడు ఏ నాయకుడు ఉంటాడో తెలియదు. కాంగ్రెస్ రుణమాఫీ అమలు చేస్తుందన్న నమ్మకం ఎప్పుడు కుదురుతుందీ అంటే అది రాహుల్‌గాంధీయో, సోనియాగాంధీయో ప్రకటించినప్పుడు. ఎందుకంటే ఇప్పుడు పథకాలు ప్రకటించే నాయకుడు ఎన్నికల నాటికి ఉండకపోవచ్చు. ఒక వేళ ఈయనే ఉన్నా ఎన్నికల తర్వాత ఎవరు వస్తారో తెలియదు. హామీలు ఒకరు ఇస్తే అమలుచేసేవారు మరొకరుండరు. కాంగ్రెస్ పార్టీకి నిజాయితీ ఉంటే దేశవ్యాప్తంగా పంట పెట్టుబడి పథకాన్ని, రుణమాఫీ విధానాన్ని ప్రకటించాలి. అప్పుడు మాత్రమే వారి మాటలకు విలువ. అప్పటిదాకా వారివి ఆపదమొ క్కులే. ఏరుదాటేందుకు ఉపయోగించే ఎత్తుగడలే.

కొందరు కాంగ్రెస్ నాయకులు కులాల ప్రస్తావన తెచ్చి నిర్లజ్జగా వేదికలపై మాట్లాడుతున్నారు. కులం ప్రస్తావన ఎవరుచేసినా అది నీచాతినీచం. సంస్కార హీనం. అధికారం కోసం రాజకీయ నాయకులు దేశభక్తులుగా అవతారమెత్తుతారని ఎక్కడో ఒకరాజనీ తి పాఠం చదివిన గుర్తు. అంటే వారికి నిజంగా దేశభక్తి ఏమీ ఉండదు. రాజకీయాధికారం కోసం ఏ అవతారమైనా ఎత్తుతారని చెప్పడం ఆ పాఠం సారాంశం. ఇప్పుడు కొందరు నాయకులు ప్రకటిస్తున్న కులాభిమానం కూడా ఆపదమొక్కులో భాగ మే. వేణుగోపాల్‌రెడ్డి, ఇషాన్‌రెడ్డి, యాదిరెడ్డి మృత్యుకీలలకు బలవుతున్నప్పుడు ఈ అరివీరకుల శేఖరులు ఎక్కడున్నారో ఒక్కసారి చరిత్ర పేజీలను వెనుకకు తిప్పిచూడండి. ఇవ్వాళ ఏవేవో కులాలను కలిపి కొత్త పేర్లు సృష్టించి మాట్లాడుతున్న నాయకు లు గతంలో అవే కులాలతో అంటకాగి తెలంగాణ ఉద్యమానికి తీరని ద్రోహంచేసిన విషయం అప్పుడే మరిచిపోతామా? రాష్ట్ర విభజన బిల్లు పార్లమెంటు లో ఆమోదం పొందకుండా సకల కుట్రలు చేస్తున్నా చూస్తూచూస్తూ చంద్రబాబు సంకన కూర్చున్న నాయకులు ఇవ్వాళ ఎవరికి వీరులు? ఎవరిని ఉద్ధరిస్తారు? అప్పుడు కులాలు కమ్మగా అనిపించా యా? సాధించుకున్న తెలంగాణ రాష్ర్టాన్ని, సాధించుకున్న తెలంగాణ స్వయం పాలనను పురిటిలోనే కుప్పకూల్చడానికి చంద్రబాబు కుట్రలు చేస్తే ఆ కుట్రలో ప్రధాన సూత్రధారులైన వారు తెలంగాణ లోకుల ఉద్ధారకులా? కేసీఆర్‌తో కొట్లాడటానికి ఈ నాయకులంతా కులాన్ని ఆశ్రయించారంటేనే రాజకీయంగా వారు ఎంతగా బలహీనపడిపోయారో, ఎంతగా దిగజారిపోయారో అర్థం చేసుకోవాలి. రాజకీయంగా కొట్లాడలేని వారే ఇలా అడ్డదారులు తొక్కుతారు. కాంగ్రెస్ నాయకత్వం రోజురోజుకు దిగజారుతున్నది. తెలంగాణ నాయకత్వం అనుభవాల నుంచి ఎదుగుతున్నది. మరింత ఉన్నతంగా ఆలోచిస్తూ ముందుకు పయనిస్తున్నది. ఎవరెన్ని శాపనార్థాలు పెట్టినా తెలంగాణ విజయవంతంగా ముందుకు సాగుతున్నది. కొత్త అడుగులు వేస్తూనే ఉంటుంది.