వ్యక్తి కాదు, వ్యవస్థ

image

స్వర్గీయ ఎన్టీరామారావు వ్యక్తి కాదు, వ్యవస్థ – ఆంధ్ర ముఖ్యమంత్రి చంద్రబాబునాయుడు

అందుకే ఆయనను పదవి నుంచి దింపేసి, గుండెపగిలి చచ్చేట్టు వేధించారు. ఎందుకంటే తమరికి వ్యవస్థలంటే భయం. అవుంటే కష్టం. అందుకే వ్యవస్థలన్నింటినీ ఇరగదీయడమే పనిగా పెట్టుకున్నారు. ప్రభుత్వరంగాన్ని పడుకోబెట్టారు. ప్రైవేటు రంగానికి పట్టం కట్టారు.

Advertisements

Kejriwal: Downsized himself, fall of an iconic image

Leaders begin their movements with hand full of activists to achieve their goal. Their hands will be on their shoulders to show their comraderie when the action started. When movement progresses one after one will be shelved. After achieving the goal, if you see, the comrades under the shoulder might be on the ground or else on the other side of the table.  

Power corrupts. more power more corrupts. Aravind Kejriwal is no exception to it. He is also proved that no difference of opinion will be tolerated. He buldozed the internal democracy, which has been professed by him all along.  Party must progress forward, but the way he dealt with Yogendra Yadav and Prashanth Bhushan shows his arrogance and dictatorial nature, which will hamper the expansion of AAP.
Very few leaders keep their army undisturbed. After reaching the altar, carrying his comrades along with him shows his capability of leadership. Kejriwal is not matured to such capability. A big and broad minded Kejriwal, now seems to be very small and narrow minded. He downsized himself, that too so fast. We are witnessing  fall of an iconic image…

శ్రీశైలం రిజర్వాయరు కబ్జా

pottiredupadu

ఎన్ని ప్రాజెక్టులు? ఎన్ని నీళ్లు? ఎంత దోపిడీ?
తెలంగాణ ప్రాజెక్టులపైనే ఎందుకీ ఏడుపు?

ఉమ్మడి రాష్ట్రంలో సీమాంధ్రలో ఏవైనా ప్రాజెక్టులు ప్రతిపాదించినపుడు మీడియాకు వేల క్యూసెక్కుల నీరు సముద్రం పాలుకాకుండా అడ్డుకుంటున్న దృశ్యాలు కనిపించేవి. తెలంగాణ ప్రాజెక్టుల ప్రస్తావన వస్తే మాత్రం కృష్ణా, గోదావరి నదులు ఎండిపోయి నీళ్లు లేక దీనంగా కనిపించేవి. అడవులు అడ్డుపడేవి. కొండలు ఆపేసేవి. మాది ఎడారి ప్రాంతం అని దబాయించే రాయలసీమకు ఉమ్మడి రాష్ట్రంలో వారికి హక్కు ఉన్న తుంగభద్ర, కేసీ కెనాల్ కాకుండా హక్కులు లేని శ్రీశైలం ప్రాజెక్టు ఆధారంగా అనేక ప్రాజెక్టులు నిర్మించారు. సీమ మొత్తం ఎక్కడపడితే అక్కడ డజన్ల కొద్దీ రిజర్వాయర్లు కట్టుకున్నారు. పోతిరెడ్డిపాడునుంచి 450 టీఎంసీల నీటిని తరలించేలా సామర్థ్యం పెంచుకున్నారు. ఇవాళ కృష్ణ నీరు పోతిరెడ్డిపాడు నుంచి తెలుగుగంగ కాలువ పేర తమిళనాడు పూండి దాకా అడవులు, నదులు, కొండలు, గుట్టలన్నీ ఛేదించి బిరాబిరా వెళ్లిపోతున్నది. హంద్రీనీవా ఆరు వందలకు పైగా కిలోమీటర్ల దూరం నదులను దాటేసి అనంతపురం జిల్లాదాక అలవోకగా వెళుతున్నది.

తెలంగాణలో ఏదైనా ప్రాజెక్టు చేపడుతున్నామనగానే సీమాంధ్ర నాయకత్వం, మీడియా వందరకాల ప్రశ్నలు లేవనెత్తుతారు. సాధ్యాసాధ్యాలపై చర్చ చేస్తారు. నీటి హక్కుల గురించి మాట్లాడతారు. పరివాహక హక్కులను గుర్తు చేస్తారు. అనుమతులున్నాయా అని ఆరాలు తీసారు. కృష్ణానది నీటి వినియోగం విషయంలో నల్లగొండ, మహబూబ్‌నగర్ జిల్లాలకు జరిగిన అన్యాయం గురించి అర్థం చేసుకోవాలంటే శ్రీశైలం ప్రాజెక్టు నుంచి ఆంధ్ర నాయకత్వం చేసిన నీటి దోపిడీని అర్థం చేసుకోవాలి. శ్రీశైలం రిజర్వాయరు నుంచి యథేచ్ఛగా కాలువలు, ఎత్తిపోతలు నిర్మించిన తీరు చూస్తే ఆశ్చర్యం, విస్మయం కలుగుతాయి. పలు జిల్లాలు, వివిధ నదులు, కొండలు, వాగులు, అప్పటికే ఉన్న కాలువలను దాటుకుని శ్రీశైలం నీరు ముందుకు సాగిపోతుంది. శ్రీశైలం వద్ద రాయలసీమకు నీటి హక్కులు లేవు. పరివాహక నిబంధనల ప్రకారం అనంతపురం, కడప, ప్రకాశం, నెల్లూరు, చిత్తూరు కృష్ణా బేసినులోకి రావు. చాలా ప్రాజెక్టులకు కేంద్ర జలసంఘం అనుమతులు లేవు. అటవీ అనుమతులు లేవు. నిజానికి శ్రీశైలం రిజర్వాయరు నుంచి రాయలసీమకు తొలుత ఎటువంటి కేటాయింపులూ లేవు. తుంగభద్ర నుంచి 110 టీఎంసీల నీటి కేటాయింపు మాత్రం ఉంది. దానిని తుంగభద్ర ఎగువ కాలువతోపాటు సుంకేశుల వద్ద తుంగభద్రపై నిర్మించిన కేసీ కాలువల ద్వారా తీసుకోవాలి. కానీ తుంగభద్ర నుంచి తమకు నీరు తగినంత రావడం లేదనే కారణం చూపి సీమాంధ్ర నాయకత్వం శ్రీశైలం రిజర్వాయరును దాదాపు కబ్జా చేసేసింది. ఒక్కటి కాదు రెండు కాదు…ఆరు కాలువలు శ్రీశైలం నుంచి నీటిని తీసుకుపోతాయి. పోతిరెడ్డిపాడు నుంచి బయలు దేరేవి నాలుగు కాగా, కర్నూలు జిల్లా మల్యాల వద్ద ఎత్తిపోసే హంద్రీ-నీవా ఐదవది. వెలిగొండ సొరంగం ప్రాజెక్టు ఆరవది. భూమి పొరలను పర్రున పగుల గొట్టుకుంటూ,అవసరమైన చోట సొరంగాలు తవ్వుతూ, ఎత్తిపోతలు నిర్మించుకుంటూ, నదులు, కాలువలపై నీటి వంతెనలను నిర్మించుకుంటూ జలాలను తరలించారు. ఎన్ని రిజర్వాయర్లు నిర్మించారో లెక్కలేదు. నిజానికి స్వర్గీయ రాజశేఖర్‌రెడ్డి బరితెగించి ఈ ప్రాజెక్టులన్నీ ముందుకు తెచ్చారు.

ఈ ప్రాజెక్టులన్నీ నింపుకోవడానికి వీలుగానే పోతిరెడ్డిపాడు కాలువ సామర్థ్యాన్ని 11000 క్యూసెక్కుల నుంచి ఏకంగా 44000 క్యూసెక్కులకు పెంచారు. పాత, కొత్త కాలువలు రెండింటి ద్వారా 55000 క్యూసెక్కుల నీటిని తరలించే అవకాశం ఉంది. అంటే రోజుకు ఐదు టీఎంసీల నీటిని మళ్లించుకునే సామర్థ్యం ఈ కాలువకు ఉంది. ముప్పై రోజులు వరద ఉంటే 150 టీఎంసీలు, 45 రోజులు వరద ఉంటే 225 టీఎంసీల నీటిని ఆలవోకగా తరలించుకుపోవడానికి వీలుగా ఈ కాలువల నిర్మాణం జరిగింది. 90 రోజులపాటు నీటిని తరలిస్తే 450 టీఎంసీల వరకు తీసుకోవచ్చు. అంతేకాదు పోతిరెడ్డిపాడు కాలువ ద్వారా శ్రీశైలం రిజర్వాయరులో 844 అడుగుల లోతువరకు నికర జలాలను కూడా తరలించుకునే అవకాశం ఉంది. వెలుగోడు, అలగనూరు, గోరకల్లు, అవుకు, పెన్న అహోబిలం, తెలుగుగంగ, దువ్వూరు, బ్రహ్మంగారి మఠం, చిన్నముక్కపల్లి, మైలవరం, గండికోట, సోమశిల, కండలేరులతోపాటు పలమనేరు సమీపంలోని అడవిపల్లి రిజర్వాయరుదాకా ఎన్ని రిజర్వాయర్లు ఉంటాయో లెక్క తీయడం కూడా కష్టమే. తెలుగు గంగ కాలువ గాలేరు, సగిలేరు, పెన్నా, స్వర్ణముఖి, ఆరణి నదులను దాటుకుని ప్రయాణిస్తుంది. గాలేరు-నగరి కాలువ గాలేరు, కుందు, పెన్నా, స్వర్ణముఖి నదులను దాటుకుని నీటిని మోసుకెళుతుంది. హంద్రీ-నీవా హంద్రీ, పెన్నా, చిత్రావతి, నీవా నదులను దాటుకుని ముందుకు సాగుతుంది. కడప-కర్నూలు కాలువ హంద్రీ, గాలేరు, కుందు, పెన్నా నదులను దాటుకుని కడప చేరుకుంటుంది. శ్రీశైలం నీటితో గాలేరు, కుందు, పెన్నా నదులు పునర్జన్మనెత్తాయి.

galerunagari-canal-scheme

1. హంద్రీ-నీవా సుజల స్రవంతి ఎత్తిపోతల అంతిమగమ్యం కృష్ణానది నుంచి 610.100 కిలోమీటర్ల దూరంలో ఉన్న చిత్తూరు జిల్లా పలమనేరు. హంద్రీ-నీవా కర్నూలు జిల్లాలో హంద్రీ నదిని, కేసీ కాలువను, అనంతపురం జిల్లాలో పెన్నా, చిత్రావతి నదులను, తుందభద్ర కాలువను దాటుకుని చిత్తూరు జిల్లాలో ప్రవేశిస్తుంది. కర్నూలు జిల్లా మల్యాల వద్ద శ్రీశైలం రిజర్వాయరు వెనుకభాగం నుంచి 40 టీఎంసీల నీటిని తరలించి కర్నూలు, కడప, అనంతపురం, చిత్తూరు జిల్లాల్లో 6.03 లక్షల ఎకరాలు సాగు చేయాలని లక్ష్యంగా పెట్టుకున్నారు.

2. గాలేరు-నగరి సుజల స్రవంతి అంతిమగమ్యం 390 కిలోమీటర్ల దూరంలో ఉన్న నగరి. పోతిరెడ్డిపాడు నుంచి గాలేరు నదికి నీటిని మళ్లించి అక్కడి నుంచి అలగనూరు, గోరకల్లు, అవుకు రిజర్వాయర్ల ద్వారా పెన్నా నదిపై నిర్మించిన మైలవరం, గండికోట రిజర్వాయర్లకు తరలించి, అటు నుంచి కడప మీదుగా కాలహస్తి, నగరిల వరకు నీటిని తీసుకెళ్లాలన్నది ఈ కాలువ లక్ష్యం. శ్రీశైలం నుంచి 38 టీఎంసీల నీటిని తరలించి చిత్తూరు, కడప, నెల్లూరు జిల్లాల్లో 2.6 లక్షల ఎకరాలకు నీరివ్వాలన్నది లక్ష్యం.

3. తెలుగు గంగ గమ్యం 434 కిలోమీటర్ల దూరంలో ఉన్న పూండి రిజర్వాయర్. పోతిరెడ్డిపాడు నుంచి నీటిని తీసుకుని వెలుగోడు రిజర్వాయరును నింపి అటు నుంచి నల్లమల అడవుల ద్వారా తెలుగు గంగ రిజర్వాయరు, బ్రహ్మంసాగర్ రిజర్వాయర్ అటు నుంచి పెన్నా నదిపై నిర్మించిన సోమశిలకు, అక్కడి నుంచి కండలేరుకు అక్కడి నుంచి చిత్తూరు జిల్లా మీదుగా తమిళనాడుకు నీరు తరలించారు. చెన్నయ్‌కి 15 టీఎంసీల తాగునీరుతోపాటు 28.99 టీఎంసీలతో కర్నూలు, నెల్లూరు, కడప, చిత్తూరు జిల్లాల్లో 2.75 లక్షల ఎకరాలను సాగులోకి తేవడం లక్ష్యం.

4. ఎస్‌ఆర్‌బీసీ కాలువ 300 కిలోమీటర్లు నీటిని తీసుకెళుతుంది. ఈ కాలువ బనకచర్ల నుంచి పెన్నాపై నిర్మించిన మైలవరం దాకా 198 కిలోమీటర్ల పొడవున 19 టీఎంసీల వరద నీటితో కర్నూలు, కడప జిల్లాల్లో 1.9 లక్షల ఎకరాలకు సాగునీరు అందించడం.

veligonda

5. వెలిగొండ ప్రాజెక్టు కాలువ అంతిమ లక్ష్యం శ్రీశైలం రిజర్వాయరుకు 290 కిలో మీటర్ల దూరంలోని నెల్లూరు జిల్లా ఉదయగిరి తాలుకా. ఈ ప్రాజెక్టు ద్వారా 43.5 టీఎంసీల వరద నీటిని తరలించి ప్రకాశం, నెల్లూరు, కడప జిల్లాల్లో 4.38 లక్షల ఎకరాలను సాగు చేయాలన్నది లక్ష్యం. శ్రీశైలం రిజర్వాయరు నుంచి టన్నెలు ద్వారా ప్రకాశం, నెల్లూరు జిల్లాలో నీటిని పారించడం ఈ ప్రాజెక్టు లక్ష్యం.

6. ఇవి కాకుండా తుంగభద్రపై సుంకేశుల వద్ద ప్రారంభమయ్యే కడప-కర్నూలు కాలువను కూడా బనకచర్ల వద్ద పోతిరెడ్డిపాడుకు లింకు చేశారు. తుంగభద్ర నుంచి తగినంత నీరురావడం లేదని, ఆ నీటిని బనకచర్ల వద్ద నుంచి తీసుకోవాలని ఈ లింకును నిర్మించారు. ఈ కాలువ కడప పట్టణంలో ముగుస్తుంది.

క్లుప్తంగా-

1. ఆరు ప్రాజెక్టుల డీపీఆర్‌ల ప్రకారం శ్రీశైలం నుంచి తరలించదల్చుకున్న నీరు – 154.5 టీఎంసీలు
2. ఆరు ప్రాజెక్టుల కింద సాగులోకి తీసుకురాదలచిన ఎకరాలు- 19.66 లక్షల ఎకరాలు
3. ఆరు ప్రాజెక్టుల ద్వారా తాగునీరు, సాగునీరు అందుకునే జిల్లాలు- 6 ( కర్నూలు, కడప, అనంతపురం, చిత్తూరు, నెల్లూరు, ప్రకాశం)
4. ఆరు జిల్లాల్లో తవ్విన కాలువల మొత్తం పొడవు- 2024 కిలోమీటర్లు
5. ఆరు ప్రాజెక్టుల నుంచి నీరందుకునే నదులు, ఉపనదులు- 10 (హంద్రీ, గాలేరు, కుందు, సగిలేరు, పెన్నా, స్వర్ణముఖి, చిత్రావతి, పాపాగ్ని, మాండవి, నీవా)
6. ఆరు ప్రాజెక్టుల నుంచి నీరందుకునే రిజర్వాయర్లు-32 (వెలుగోడు, అలగనూరు, గోరకల్లు, అవుకు(కర్నూలు), చిన్నముక్కపల్లి, బ్రహ్మంగారి మఠం, మైలవరం, గండికోట, వామికొండ, సర్వరాజసాగర్(కడప), సోమశిల, కండలేరు, దుర్గంసాగర్, వెలికొండసాగర్, కృష్ణసాగర్(నెల్లూరు), శ్రీబాలాజీ రిజర్వాయర్, పద్మాసాగర్, శ్రీనివాససాగర్, చెర్లోపల్లి, శ్రీనివాసపురం, అడవిపల్లి(చిత్తూరు), పెన్నా అహోబిలం, చిత్రావతి, మిడ్ పెన్నా రిజర్వాయర్, జీడిపల్లి, గొల్లపల్లి, మారాల(అనంతపురం), రాళ్లవాగు, గుండ్ల బ్రహ్మ్రేశ్వరం, నల్లమలసాగర్, కంభం చెరువు, తురిమెళ్ల రిజర్వాయర్(ప్రకాశం).

ఈ ప్రాజెక్టుల కాలువల తవ్వకం అటు చిత్తూరు జిల్లా పలమనేరుదాకా, ఇటు నగరిదాకా పూర్తయింది. తెలుగుగంగ, శ్రీశైలం కుడికాలువ, గాలేరు-నగరి, హంద్రీ-నీవా మొదటి దశలు పూర్తయ్యాయి. సీజనులో నీళ్లు ప్రవహిస్తున్నాయి. రెండవ దశ పనుల్లోనే అక్కడక్కడా పనులుపెండింగులో ఉన్నాయి. వెలిగొండ పనులు ముమ్మరంగా జరుగుతున్నాయి.

ఇప్పుడు చెప్పండి ఎవరు ఎవరిని మోసం చేశారు? రాయలసీమకు రావలసిన నీటివాటా విషయంలో ఎవరూ అభ్యంతర పెట్టాల్సిన పనిలేదు. వరద నీటిని తీసుకోవడంలోనూ తప్పు లేదు. కానీ తెలంగాణ ఏం పాపం చేసింది? మహబూబ్‌నగర్ ఏం పాపం చేసింది? 610 కిలోమీటర్ల దూరంలో కూడా కాలువలు తవ్విన ఏలికలకు పక్కనే కృష్ణా పరివాహక ప్రాంతంలో ఉన్న పాలమూరు, రంగారెడ్డి, నల్లగొండ జిల్లాలు ఎందుకు కనిపించలేదు? ఇక్కడ జనం ఆత్మహత్యలు, ఆకలి చావులకు గురవుతుంటే దత్తత తీసుకున్నామని చెప్పినవారు ఏం చేశారు? ఫ్లోరైడు నీరు తాగి అచేతనులవుతుంటే ఎందుకు కళ్లప్పగించి చూస్తూ వచ్చారు? ఈ ప్రశ్నలన్నింటికీ ఇప్పుడు సమాధానం చెప్పుకోవాలి. అది తెలంగాణ ప్రభుత్వం చేయాలి.

చిన్నా చిన్న బుద్ధులు

S50_MLA_78_CONG

చిన్నారెడ్డి అనుభవం తెలంగాణకు ఏమి ఉపయోగపడింది? మహబూబునగరుకు ఏమి ఉపయోగపడింది? మహబూబునగరుకు జరిగిన పాపాలన్నింటికీ మీరే కదా సాక్షులు.
తెలంగాణ ప్రభుత్వానికి అనుభవం లేకపోయినా తెలంగాణ ఆత్మ ఉంది, జ్ఞానం ఉంది. మీకు అనుభవం ఉంది. తెలంగాణ ఆత్మలేదు. తెలంగాణ సోయి లేదు.

ఆయన మొదటిసారి ఎమ్మెల్యే అయ్యిండు. కేసీఆర్్ దయతో మంత్రి అయిండు. సమాధానం చెప్పడం రావట్లేదు

– వనపర్తి ఎమ్మెల్యే చిన్నారెడ్డి.

అవును సూర్యాపేట ప్రజల ఆశీస్సులతో నేను మొదటిసారి ఎమ్మెల్యేనయిన. కేసీఆర్్ గారి దయతో మంత్రినయిన. అందుకు గర్వపడుతున్న. ఆంధ్రోళ్ల బూట్లునాకి పైకి రాలేదు

– విద్యుత్ మంత్రి జగదీశ్్ రెడ్డి.

తరగతి గదిని సజీవంగా మార్చిన ఆచార్యుడు

ప్రొఫెసర్ రామయ్యకు శ్రద్ధాంజలి

C.Ramaiah
తత్వశాస్ర్తాన్ని ఎవరికీ అర్థం కాని జడ పదార్థంగా పరిచయం చేయడం కాకుండా దానిని ప్రేమించి, శ్వాసించి, బోధించిన వారు అరుదు. ప్రొఫెసర్ చిట్ల రామయ్య అటువంటి అరుదైన ఆచార్యుల్లో ఒకరు. ఆయనే కాదు వడ్డెర చండీదాస్, ప్రొఫెసర్ వీరయ్య వంటి వారు మాకు గురువులుగా ఉండడం మా భాగ్యం. చండీదాస్ నీతిశాస్త్ర బోధ న చేసేవారు.వీరయ్య షడ్దర్శనాలను బోధించేవారు. రామయ్య సారు భారతీయ తత్వశాస్ర్తాన్ని, ప్రత్యేకించి విశిష్టాద్వైతాన్ని తన ఇష్టమైన అంశంగా బోధించేవారు. తత్వాన్ని జీవితానికి అన్వయించి బోధించేవారు. వివిధ తత్వాల మధ్య ఉన్న వైరుధ్యాలను ఆయన స్వేచ్ఛగా విద్యార్థులతో చర్చించేవారు. ఎంత తత్వశాస్త్ర ఆచార్యులైనా ఆయనకు భారతీయ తత్వం గొప్పదనే ఒక భావన ఉండేది. తత్వశాస్త్ర చర్చలన్నీ.. దేవుడున్నాడా లేడా, ఆత్మలున్నాయా లేవా, భౌతిక, అధిభౌతికాల్లో ఏది ప్రథమం, ఏది మంచి ఏది చెడు ఎలా నిర్ణయించడం వంటి అంశాల చుట్టూ హోరాహోరీగా చర్చలు జరిగేవి. కమ్యూనిస్టు తత్వశాస్త్ర ప్రభావంలో యూనివర్శిటీలో ప్రవేశించిన మాకు తత్వశాస్త్ర అధ్యయనం మరింత ఆసక్తిని రేకెత్తించింది. ఆచార్య రామ య్య, చండీదాస్, వీరయ్యలు తీసుకునే తరగతులు ఎప్పు డూ ఓ పట్టాన ముగిసేవి కాదు. తదుపరి తరగతి చెప్పే ఆచార్యులు తరగతి గది బయటికి వచ్చి పచార్లు చేసి పోయేవా రు. అంటే తరగతిలో అంతగా చర్చను ప్రోత్సహించేవారు. తాత్విక జిజ్ఞాసను అంతగా ఆస్వాదించేవారు.

రామయ్యగారు ఒకరోజు ఆత్మలు, దేహాలకు అతీతంగా వాటి అస్తి త్వం గురించి బోధిస్తున్నారు. ఆత్మలు లేవని, అవి వెంటాడే భావాలు మాత్రమేనని వాదించాను. భావాలు దేహసంబంధమైనవని, ఒక మనిషికి సంబంధించిన రూపలావణ్యాలు, జ్ఞాపకాలు, భావాలు మాత్రమే అతని మరణానంతరం కొనసాగుతాయని, వాటిని మనిషి ఆత్మలుగా భావించేవారని వాదించాను. కానీ ఆత్మ సత్యం, ఆత్మనిత్యం అన్న భారతీయ తత్వమూలాలను ఆయన సుదీర్ఘంగా వివరించారు. ఆత్మ పరమాత్మను చేరినప్పుడు మనిషి జీవన్ముక్తుడవుతారని చెప్పేవారు. అయినా ఆయన అజమాయిషీ చేసేవారు కాదు. ఒప్పించాలని చూసేవారు కాదు. గంటలు గడచిపోయేవి. ప్రజాస్వామిక వాదిగా అభిప్రాయాలను గౌరవించేవారు. తత్వశాస్త్ర తరగతి గది సజీవంగా నడుస్తున్నందుకు ఆనందించేవారు. ఆయన పిల్లల్లో పిల్లవాడిలా, పెద్దల్లో పెద్దవాడిలా ఉండేవారు. భారతీయ తత్వపరిశోధనా మండలిలో చాలా కాలం సభ్యునిగా పనిచేశారు. అనేక మం ది ని పరిశోధనలకు ప్రోత్సహించి డాక్టరేట్లను చేశారు. నా ఎంఫిల్‌కు కూడా ఆయనే మార్గదర్శన చేశారు. క్యాన్సరు వచ్చిన తర్వాత కూడా ఆయన ధైర్యాన్ని చెదరనివ్వలేదు. ఇరవైనాలుగేళ్ల తర్వాత మాజీ విద్యార్థుల సమావేశం జరిగితే ఆయన ఉత్సాహంగా మాతో రోజంతా గడిపారు. తలకోన కొండకోనల్లో కలిసి నడిచారు. ఏర్పేడు ఆశ్రమ స్వామీజీ వ్యాఖ్యాన సహిత భగవద్గీతను తెనిగించే పనిని పెట్టుకున్నట్టు ఆ సందర్భంగా చెప్పారు. ఆయన చివరిదాకా చదవడం, రాయడం మానలేదు. ఆయన గొప్ప ఆచార్యుడు, తాత్విక జిజ్ఞాసి. గొప్ప మనిషి. ఆయన బుధవారం బెంగుళూరులో మరణించారు. తిరుపతిలో ఆయన అంతిమ సంస్కారాలు జరిగాయి. ఆయన విద్యార్థులపై చూపించిన ప్రేమ, వాత్సల్యం ఎప్పటికీ మరువలేనిది. ఆయనకు హృదయపూర్వక నివాళి.

ఇదా రాజకీయం?

images

నాయకులకు దీర్ఘకాలిక దృష్టి ఉండాలి. తమ ప్రతిష్ఠను, పార్టీల ప్రతిష్ఠనూ మెట్టుమెట్టుగా నిర్మించుకుంటూ ఎదగాలి. హ్రస్వదృష్టితో రాజకీయాలు చేస్తే తరాలు నష్టపోతాయి. జనంలో రాజకీయాలపై ఏవగింపు కలుగుతుంది. పార్టీలపై చిరాకు పుడుతుంది.

తెలంగాణ ప్రభుత్వం ముందు చాలా పెద్ద బాధ్యత ఉంది. స్వరాష్ట్రంలో తొలి ప్రభుత్వంగా తెలంగాణ వచ్చిన ప్రయోజనం ఏమిటో తెలంగాణకు చూపించాలి. తెలంగాణపై ఒక చెరగని ముద్ర వేయాలి. తెలంగాణ నాయకత్వానికి పరిపాలించడం చేతకాదని ఆరు దశాబ్దాలుగా ప్రచారం చేసిన పాలి నాయకత్వానికి మన చేతిలో అధికారం ఉంటే ఏమి చేయగలమో రుజువు చేయాలి. తెలంగాణ గడ్డపై సరికొత్త లాండుమార్కులు నిర్మించాలి. మనం ఓడిపోయిన చోటనే గెలవాలి. సాగునీరు, తాగునీరు, విద్యుత్ రంగాల్లో మనం ఉన్నత శిఖరాలను దాటాలి. అభివృద్ధికి సరికొత్త నిర్వచనం చెప్పాలి. దార్శనిక దృక్పథం, దూరదృష్టి, పట్టుదల, సాహసం, భిన్నంగా ఆలోచించేతత్వం ఉన్న నాయకుల వల్ల మాత్రమే ఏ ప్రాంతమైనా ప్రగతిని సాధించగలదు. అధికారంలో ఉన్నా, ప్రతిపక్షంలో ఉన్నా నాయకులకు ఉండాల్సిన లక్షణాలయితే ఇవే. ముఖ్యమంత్రి కే.చంద్రశేఖర్‌రావు ఆలోచన, ఆచరణ, తపన ఏమిటో ఇప్పటికే అందరికీ అర్థమయింది. ప్రతిపక్ష నాయకుల్లో జానారెడ్డి ఆలోచనలు, ఆచరణ తెలంగాణ ప్రజలకు ముందే తెలుసు. గతంలో ఎలా ఉన్నా శాసనసభలో ఆయన వ్యవహరిస్తున్న తీరు ఆయన గౌరవాన్ని పెంచుతున్నది. కాంగ్రెస్ గౌరవాన్నీ పెంచుతున్నది. ఆయన తాము గతంలో చేయగలిగింది, చేసినవీ చెప్పుకుంటూనే, మీరు పనులు చేయండి, సహకరిస్తాం అని చెబుతున్నారు. తమ పార్టీపై తెలంగాణవాదులు చేస్తున్న విమర్శలను చాలా హుందాగా తిప్పికొట్టే ప్రయత్నం చేశారు. కాంగ్రెస్ లేకుంటే తెలంగాణ సాధ్యమయ్యేదా అని ప్రశ్నించారు. రాష్ట్రం ఇవ్వడంలో జరిగిన జాప్యం, లోపాల వల్లే మేము ఇక్కడ(ప్రతిపక్షంలో) ఉన్నాం, మీరు అక్కడ(అధికారపక్షంలో) ఉన్నారు అన్న వాస్తవాన్నీ అంగీకరించారు. నాయకులకు దీర్ఘకాలిక దృష్టి ఉండాలి. తమ ప్రతిష్ఠను, పార్టీల ప్రతిష్ఠనూ మెట్టుమెట్టుగా నిర్మించుకుంటూ ఎదగాలి. హ్రస్వదృష్టితో రాజకీయాలు చేస్తే తరాలు నష్టపోతాయి. జనంలో రాజకీయాలపై ఏవగింపు కలుగుతుంది. పార్టీలపై చిరాకు పుడుతుంది.

ఒక నాయకుడిగా రాటుదేలడానికి, ఒక ఉద్యమ ప్రతిష్ఠను పెంచడానికి, లక్ష్యాన్ని సాధించడానికి ఎంత కష్టపడాలో తెలంగాణ ఉద్యమం నేర్పింది. రాష్ట్ర సాధనలో పదమూడేళ్లు కేసీఆర్ చేసిన శ్రమ, చూసిన ఎత్తుపల్లాలు తెలంగాణ ప్రజలకు తెలుసు. కిందపడిన ప్రతిసారీ పైకి లేస్తూ పోరాడుతూ వచ్చారు. అంతిమగమ్యం చేరేదాకా ఆయన ఉద్యమాన్ని విస్తృతం చేస్తూ వచ్చారు. మిత్రులను పెంచుకుంటూ వచ్చారు. తాను ఎదుగుతూ ఉద్యమాన్ని పెంచుతూ ఆయన ముందుకు సాగారు. తెలంగాణ రాష్ట్రంలో కూడా ఆయన చేస్తున్న పని అదే. కొత్త రాష్ట్రం. మొదటి సారి మన చేతికి సర్వాధికారం. మన అభివృద్ధిని మనమే నిర్వచించుకునే తరుణం. కొంతకాలం రాజకీయాలు పక్కనపెట్టి అభివృద్ధిపై అందరూ దృష్టిని సారించాల్సిన సమయం. ఉన్నతంగా ఆలోచించడం(థింక్ బిగ్), ఉన్నతమైన లక్ష్యాలు(ఎయిమ్ హై) పెట్టుకోవడం, పట్టుదలగా పనిచేసుకుపోవడం(వర్క్ హార్డ్) కేసీఆర్ తత్వం. ఆయనను ఎదుర్కోవాలనుకునేవారు, ఆయన స్థానంలోకి రావాలని ఆరాటపడేవారు కూడా అంతే ఉన్నతంగా, అంతే హుందాగా ఆలోచిస్తే తప్ప జనం హర్షించరు. ప్రతిపక్ష నాయకుడు జానారెడ్డి ఆ విషయాన్ని గుర్తించినట్టున్నారు. ఉన్న బాణాలన్నీ ఇప్పుడే వేసేస్తే అసలు యుద్ధం చేయాల్సిన సమయానికి అంబుల పొదిలో ఏమీ ఉండవు అనే విషయాన్ని అర్థం చేసుకున్నట్టున్నారు. లేకితనాన్ని, గాలి మాటలను జనం ఇప్పుడు స్వీకరించరు. తెలుగుదేశంలో కొందరు, కాంగ్రెస్‌లో ఇంకొందరు అటువంటి లేకితనాన్ని ప్రదర్శిస్తున్నారు. వాళ్లు రోజుకోసారి పత్రికా విలేకరుల ముందుకు, టీవీ తెరల ముందుకు రావడం, నానా సొల్లు వాగేసి పోవడం అలవాటుగా పెట్టుకున్నారు. వాళ్లంతా ఈ రాష్ర్టాన్ని సుదీర్ఘకాలంపాటు పరిపాలించిన పార్టీలకు చెందినవాళ్లు. తెలంగాణకు ఇంతకాలం జరిగిన సకల కష్టనష్టాల పాపాన్ని మోస్తున్నవాళ్లు. అధికారం కోల్పోవడం జీర్ణించుకోలేక విపరీతమై ఉక్రోశం, అసూయ, కడుపుమంటతో ఉడికిపోతున్నవాళ్లు. వాళ్లు జానారెడ్డి వంటి వారిని కూడా భ్రష్టుపట్టించాలని చూస్తున్నారు. లేకి నాయకత్వాలు పార్టీల ప్రతిష్టలను పెంచవు. మరింత మరింత పతనం వైపు నడిపిస్తాయి.

తెలంగాణలో టీటీడీపీని పునరుద్ధరించడం లంపెన్ నాయకత్వాలతో కాదు. ఏదైనా ఒక పార్టీని బతికించాలి, నడిపించాలి అంటే రాజకీయ పరిణతి చెందిన నాయకులు కావాలి. రాజకీయ మరుగుజ్జుల వల్ల కాదు. తెలంగాణలో టీడీపీని పునరుద్ధరించడం 1999 తర్వాత ఇప్పటిదాకా చంద్రబాబువల్లనే కాలేదు. వీళ్లవల్ల ఏమవుతుంది?

టీటీడీపీ పరిస్థితిని అర్థం చేసుకోవచ్చు. అది ఆరిపోయే దీపం. చంద్రబాబు నిర్వాకాల పుణ్యాన తెలంగాణలో వారికి ఎటువంటి రిలవెన్స్ లేకుండాపోయింది. ఎన్ని పిల్లిమొగ్గలు వేసినా, ఎన్ని మొసలి కన్నీళ్లు కార్చినా చంద్రబాబు ఇక పక్కరాష్ట్రం బాబే. ఆయన అందరి మనిషి కాదు, కాలేడు. టీడీపీ అంటేనే ఆంధ్రాపార్టీగా స్థిరపడిపోయింది. అయితే తెలంగాణతో పంచాయతీలు కొనసాగిస్తుంటేనే భవిష్యత్తులో కూడా అక్కడ చంద్రబాబుకు రాజకీయ మనుగడ. ఎందుకంటే ఇప్పుడాయన అక్కడ ఉన్న పరిస్థితుల్లో పరిపాలనలో సక్సెస్ కావడానికి చాలా ఇబ్బందులు ఉన్నాయి. పరిమితులు ఉన్నాయి. అందుకే తెలంగాణకు వ్యతిరేకంగా భావోద్వేగాలను సజీవంగా ఉంచడం ఆయనకు అవసరం. ఆయనను తెలంగాణ ఇక ఆదరించడం కల్ల. ఇది సహజ రాజకీయ పరిణామక్రమం. అక్కడో ఇక్కడో ఇంకా కొంతమంది తెలంగాణ సోదరులు ఎటుపోవాలో ఏం చేయాలో దిక్కుతోచక ఆ పార్టీలో ఉండిపోవచ్చు. వచ్చే ఎన్నికల సమయానికి వారు కూడా ఏదో ఒక పార్టీని చూసుకుంటారు. తెలంగాణలో టీటీడీపీని పునరుద్ధరించడం లంపెన్ నాయకత్వాలతో కాదు. ఏదైనా ఒక పార్టీని బతికించాలి, నడిపించాలి అంటే రాజకీయ పరిణతి చెందిన నాయకులు కావాలి. రాజకీయ మరుగుజ్జుల వల్ల కాదు. తెలంగాణలో టీడీపీని పునరుద్ధరించడం 1999 తర్వాత ఇప్పటిదాకా చంద్రబాబువల్లనే కాలేదు. వీళ్లవల్ల ఏమవుతుంది? అనునిత్యం ఉక్కపోతతో కడుపుచించుకునేవాళ్లతో ఏమీ ఒరగదు. వాళ్లు పార్టీని ఇంకింత నాశనం చేయడం తప్ప ఒరిగేది లేదు. వాళ్లు చంద్రబాబు కీ ఇచ్చిన బొమ్మల్లా వ్యవహరిస్తున్నారని ప్రతిక్షణం అర్థం అవుతూనే ఉంది. ఆ పార్టీతోక పట్టుకుని తెలంగాణ బీజేపీ నాయకత్వం కూడా వారి పాటే పాడుతున్నది. టీడీపీని వెంటబెట్టుకోవడం అంటే తెలంగాణలో శనిని వెంటబెట్టుకోవడమే.

బీజేపీ నేతలు కూడా టీటీడీపీతో పోటీలు పడి అకాల విమర్శలు, అకారణ అక్కసు వెళ్లగక్కుతున్నారు. విమర్శలకు ప్రభుత్వం, పాలక పక్షం అతీతం కాదు. కానీ చేస్తున్న దాడి ప్రజలకు సమంజసం అనిపించాలి. పార్టీల ప్రతిష్ఠ పెంచడమయినా దించడమయినా ఒక్కరోజుతో కాదు. కానీ ప్రతి అడుగులో ఆ ఎదుగుదల కనిపించాలి. ఆ పరిణతి కనిపించాలి. ఆ హుందాతనం కనిపించాలి. బీజేపీ నాయకత్వం ఎవరినో అనుకరించడానికి, ఎవరితోనో పోటీపడడానికి మాట్లాడుతున్నట్టు కనిపిస్తున్నదే తప్ప, సొంత పంథాతో అడుగులు వేస్తున్నట్టు కనిపించడం లేదు. కాంగ్రెస్‌లో కూడా ఇటువంటి వారు కొందరు ఉన్నారు. పీసీసీ అధ్యక్షునిగా బాధ్యతలు స్వీకరించిన నేత మొదలు మాజీ మంత్రులు, మాజీ ఎంపీల వరకు అందరూ నోరు పారేసుకునేవారే. పీసీసీ అధ్యక్షుడు ఉత్తమ్‌కుమార్‌రెడ్డి బాధ్యతల స్వీకరణ ప్రసంగంలో కేసీఆర్‌పై కులం, కుటుంబం అని విమర్శలు గుప్పించారు. కేసీఆర్ కులం ప్రతినిధిగా ఉద్యమం సాగించలేదు. కులం ప్రతినిధిగా రాష్ట్రం సాధించలేదు. కులం ప్రతినిధిగా ముఖ్యమంత్రి కాలేదు. తెలంగాణ ప్రజల ఆమోదంతోనే ఆయన అడుగులు ముందుకు వేశారు. ఆయన కుటుంబం కూడా ఉద్యమాలలో కేసీఆర్ వెన్నంటి నడిచారు. ఉద్యోగాలు, వ్యాపారాలు వదిలేసి ఉద్యమాల్లో, టీఆరెస్ నిర్మాణంలో భాగస్వాములయ్యారు. వాళ్లు నిర్వహించిన పాత్రకు ఇవ్వాళ ఎవరూ సర్టిఫికెట్లు ఇవ్వాల్సిన పనిలేదు. తెలంగాణ సమాజానికి తెలుసు. కానీ ఉత్తమ్‌కుమార్‌రెడ్డి చేసింది ఏమిటి? ఎటువంటి రాజకీయ చరిత్ర లేకపోయినా తన సతీమణికి కోదాడ టికెట్ ఇప్పించుకున్నారు. అక్కడ రెడ్డి అయితేనే గెలుస్తారని అధిష్ఠానాన్ని నమ్మించి టిక్కెటు తెచ్చుకున్నారు. అప్పుడు కులమూ, కుటుంబమూ కనిపించలేదా? విమర్శలు చేయడం సులువు. కానీ మనం చేసే విమర్శను మనమీదే ప్రయోగిస్తే మనం నిలవగలమా లేదా అన్నది ప్రతిసారీ ప్రతినాయకుడూ వెనుదిరిగి చూసుకోవాలి.

ఇంకొకాయన ఉన్నాడు. తెలంగాణలో తనకు చాలా పలుకుబడి ఉందని చెప్పే పెద్దమనిషి తెలంగాణ రాష్ట్ర సాధన ఉద్యమంలో ఒక్క మంచి పనీ చేయలేదు. ఢిల్లీలో పెత్తనం చేసిన కాంగ్రెస్ దళారీలకు అడుగులకు మడుగులొత్తడం, వారికి ఉచిత సేవలు చేయడం తప్ప తెలంగాణకు ఉపయోగపడింది లేదు. అటువంటాయన ఇప్పుడు ఫర్మానాలు జారీ చేస్తున్నాడు. వీళ్లకు ఇంకా ఎందుకు సోయిరాలేదో అర్థం కావడం లేదు. వరుసగా ఇన్ని ఎన్నికల్లో జనం తిరస్కరించిన తర్వాత కూడా బాధ్యతగా మసలు కోవాలన్న విషయం ఎందుకు అర్థం కావడంలేదో బోధపడదు. ఇంకో పెద్దమనిషి ఉన్నాడు. తెలంగాణ ఉద్యమంలో కూడా బాగానే ఉరుకులబెట్టాడు. ఆయన ఓ బట్టకాల్చి మంత్రి జగదీశ్‌రెడ్డి మీద వేశాడు. లేస్తే మనిషిని కాదంటాడు. నా దగ్గర చాలా ఆధారాలు ఉన్నాయంటాడు. అవన్నీ విచారించడానికి ఒక వేదిక కావాలట. జగదీశ్‌రెడ్డి సూర్యాపేట కోర్టులో కేసు వేసి వేదిక కల్పించాడు. కోర్టుకు మించిన వేదిక లేదు. ఆ ఆధారాలన్నీ ఆయన కోర్టుకు సమర్పించి జగదీశ్‌రెడ్డిని దోషిగా నిరూపించవచ్చు. లేదంటే తాను బోనులోకి పోవచ్చు. విచిత్రం ఏమంటే ఇంత రాజకీయ అనుభవం కలిగిన నాయకులు కూడా సచివాలయంలో అస్తమానం గాలిపోగేసే కొందరు పైరవీ జర్నలిస్టులు, పైసలిచ్చి ప్రకటనలు చేయించుకునే కొందరు ఇంజనీరింగ్ విద్యా వ్యాపారుల గాలాలకు చిక్కడం. నాయకులు తమ ఒరిజినాలిటీని కోల్పోవడం, కిరాయి మనుషులుగా పేరు సంపాదించుకోవడం ఎందుకో. మిషన్ కాకతీయలో అవినీతిపై ఉత్తమ కథనాలు ఇచ్చినవారికి లక్ష రూపాయల బహుమతి ప్రకటిస్తానని మరో లేకి ప్రకటన చేశారు ఇంకో నాయకుడు. జలయజ్ఞం ధనయజ్ఞంగా మారినప్పుడు, ఆ అవినీతి యజ్ఞాన్ని పత్రికలు పేజీలకు పేజీలు రాసినప్పుడు ఎంతమందికి బహుమతులు ప్రకటించారు? అప్పుడు కాంగ్రెస్ ముఖ్యమంత్రులకు పండ్లు తోముతూ తరించారెందుకు? చిల్లర వేషాల్లో టీడీపీ నాయకులు, కొందరు కాంగ్రెస్ నాయకులు పరస్పరం పోటీపడుతున్నట్టు కనిపిస్తున్నది.