BJP again in to Dhrutarastra kougili


Replay of 1999

In 1998 Lok Sabha election BJP emerged as major political force for the first time in the history of Andhra Pradesh. On its own got more than 18 percent votes and got win in four Lok Sabha constituencies- Kakinada, Rajamundry, Secunderabad and Karimnagar. The party was in third place in more than 26 constituencies. It got second place in Nizamabad, Medak and Hyderabad.

See how the party got votes in Telangana:

Secunderabad. 438586
Karimnagar. 329303
Nagar Kurnool. 125201
Mahabubnagar. 206834
Hyderabad. 414173
Siddipet. 292778
Medak. 252642
Nizamabad. 249095
Adilabad. 179134
Peddapalli. 158979
Warangal. 108942
Khammam. 117926
Nalgonda. 274174
Miryalaguda. 99566
Total votes in Telangana 32,47,333
Total votes in AP. 58,36,394
Total TDP votes in that elections. 1,01,99,463

But after having alliance with TDP in 1999, BJP down fall started. When ever TDP is in political bankruptcy, BJP, to be specific Venkaiah Naidu, is coming to its rescue. The question before Telangana BJP or BJP as a whole is to give life to TDP or to establish itself as a force. Here is a story of 1999…..

February 2012

పార్టీకి పూర్వవైభవం తెస్తా…. మళ్లీ అధికారంలోకి వస్తాం….అడ్డొస్తే కొండలనయినా పిండి చేస్తాం…
                -తెలుగుదేశం అధినేత నారా చంద్రబాబునాయుడు

చంద్రబాబునాయుడు చెబుతున్నది నిజమేనా? ఆయనకు ప్రజలు నిజంగానే బ్రహ్మరథం పడుతున్నారా? తండోపతండాలుగా జనం వస్తున్నారని నాయుడిగారి మీడియా  ఊదరగొడుతున్నది వాస్తవమేనా? బాబు పర్యటనలతో ప్రజలు, ప్రత్యేకంగా తెలుగు తమ్ముళ్లు ఉబ్బితబ్బిబ్బవుతున్నారన్న కొన్ని పత్రికల పులకింతను నమ్మవచ్చా? 2009 ఎన్నికలకు ముందు కూడా ఇటువంటి పత్రికా రాతలు, చానెళ్ల బాకాలు చాలా చూశాం. ఆ ఎన్నికల్లో బాలకృష్ణకు, ఆయనను మించి జూనియర్ ఎన్‌టిఆర్‌కు జనం బారులుతీరి స్వాగతాలు పలికిని మాటా నిజమే. కానీ ఎన్నికల ఫలితాల్లో చంద్రబాబు ముఖం చాలా స్పష్టంగా కనిపించింది. చంద్రబాబునాయుడును జనం నమ్మలేదని, గ్రహణ చంద్రుడి నీడలో ఊరేగిన స్టార్స్‌ను జనం పెద్దగా పట్టించుకోలేదని ఓట్ల డబ్బాలు తేటతెల్లం చేశాయి. ఇంటింటికీ నగదు పంపిణీ చేస్తామంటే కూడా చంద్రబాబును జనం నమ్మలేదు. ప్రజల్లో చంద్రబాబునాయుడుకు ఉన్న అపనమ్మకం అటువంటిది.  చంద్రబాబు ఇంతటి అపనమ్మకాన్ని ఎలా మూటగట్టుకున్నారు?

చంద్రబాబు ఇంతటి అపనమ్మకాన్ని, అప్రతిష్ఠను పోగేసుకోవడం, విశ్వసనీయతను కోల్పోవడం ఒక్క రోజులోనో, ఒక్క ఏడాదిలోనో జరిగింది కాదు. గత ఒకటిన్నర దశాబ్దాల్లో పరంపరగా జరిగిన అనేక పరిణామాలు ఎప్పటికప్పుడు ఆయనను దోషిగా నిలబెడుతూ వచ్చాయి. ఆయన ఒక ఉదాత్త నాయకుడిగా ఎదగడానికి బదులు మ్యానిప్యులేటర్‌గా, మాకియవెల్లియన్‌గా నానాటికీ రుజువవుతూ వచ్చారు. కుట్రతో రాజసూయం ప్రారంభించి ప్రతిమలుపులోనూ కుట్రపూరితంగానే వ్యవహరిస్తూ వచ్చారు. చివరికి అది ఆయన స్వభావమేమో అనుకునేంతగా స్థిరపడిపోయింది. చంద్రబాబుపై ప్రజలకు నమ్మకం సడలిపోవడానికి కారణం ఎన్‌టిఆర్‌కు ఆయన చేసిన ద్రోహాన్ని జీర్ణించుకోలేకపోవడమే. చంద్రబాబు ద్రోహం చేసింది కేవలం ఎన్‌టిఆర్‌కు మాత్రమే కాదు, 1994లో ఎన్‌టిఆర్‌కు అఖండ విజయం చేకూర్చిన ప్రజలకు కూడ. ఎన్‌టిఆర్ అమలు చేసిన అనేక సంక్షేమ పథకాలను చంద్రబాబు తిరగదోడారు. అక్కడ మొదలైన విద్రోహాల పర్వం 2004 దాకా కొనసాగింది. ఆయన అనుసరించిన విశ్వాసఘాతుక విధానాలు అన్నీ ఇన్నీ కాదు. రాస్తే పెద్ద జాబితాయే అవుతుంది: సబ్సిడీ బియ్యం రద్దు చేయడం, మద్య నిషేధాన్ని సడలించడం వైన్‌షాపులకు అనుమతినివ్వడం, వ్యవసాయ విద్యుత్‌పై సబ్సిడీ ఎత్తివేయడం, విద్యుత్ ఉత్పత్తిని ప్రైవేటు  కంపెనీలకు అప్పగించడం, ఇంటి కరెంటు చార్జీలు పెంచడం, బస్సు చార్జీలు, నల్లా బిల్లులు, భూమి పన్ను, రిజిస్ట్రేషన్ చార్జీలు పెంచడం, వ్యవసాయానికి సబ్సిడీలు రద్దు చేయడం, ప్రభుత్వ ఉద్యోగాల రిక్రూట్‌మెంట్ పూర్తిగా నిలిపివేయడం, సింగరేణిని ప్రైవెటీకరించడం, అనేక ప్రభుత్వ రంగ కంపెనీలను తెగనమ్మడం, మూసేయడం…
చంద్రబాబు ఘనకార్యాలు ఇలా ఎన్నయినా చెప్పవచ్చు. ఇవన్నీ ఎన్‌టిఆర్ ఏర్పాటు చేసిన తెలుగుదేశం నుంచి ప్రజలు ఆశించని పరిణామాలు.

చంద్రబాబు తాను ముఖ్యమంత్రిని అన్న విషయం మరచిపోయి ప్రపంచబ్యాంకు మేనేజరులాగా వ్యవహరించడాన్ని జనం సమ్మతించలేదు. అందుకే వెన్నుపోటు తర్వాత జరిగిన ఏ ఎన్నికల్లోనూ చంద్రబాబుకు జనామోదం లభించలేదు. 1995 వెన్నుపోటు తర్వాత రెండుసార్లు లోక్‌సభ ఎన్నికలు జరిగాయి. ఓట్లు, సీట్ల మెజారిటీ లెక్కల ప్రకారం రెండుసార్లూ ప్రజలు చంద్రబాబును తిరస్కరించారు. 1999లో గెలవడం వెనుక మరో నమ్మక ద్రోహం ఉంది. 1996, 1998 లోక్‌సభ ఎన్నికల్లో వామపక్షాలు, మధ్యేవాద పార్టీలతో కలసి జాతీయ ఫ్రంట్‌తో అంటకాగిన చంద్రబాబు, వీర లౌకికవాదిగా పోజులు పెట్టిన చంద్రబాబు, బిజెపిని అంటరాని పార్టీగా ప్రకటించిన చంద్రబాబు 1999 ఎన్నికలకు వచ్చేసరికి ప్లేటు ఫిరాయించారు. దానికీ కారణం ఉంది. 1998 ఎన్నికల్లో బిజెపి ఒంటరిగా పోటీ చేసి 18 శాతం ఓట్లతో నాలుగు లోక్‌సభ స్థానాలను దక్కించుకుంది. చంద్రబాబును ఈసారి ఇంకా తీవ్రంగా జనం తిరస్కరించారు. ఈ పరిణామం చంద్రబాబుకు అశనిపాతమైంది. తన పునాదులు కదలిపోతున్నాయని భావించారు. కేవలం ఇరవైనాలుగు గంటల వ్యవధిలో బాబు జెండాను ఎజెండానూ మార్చారు. అప్పటిదాకా కలసి ఉన్న మిత్రులను నట్టేట ముంచేసి కేంద్రంలో బిజెపికి మద్దతు ప్రకటించారు. 1999లో అది ఆయనకు ఉపయోగపడింది. రాష్ట్రంలో ముందే బలంగా ఉన్న బిజెపికి కార్గిల్ యుద్ధంలో గెలుపు, కేంద్రంలో అర్ధంతరంగా ప్రభుత్వాన్ని కూలదోయడంతో వాజ్‌పేయిపై సానుభూతి వెల్లువెత్తడం బాగా ఉపయోగపడింది. చంద్రబాబు ఈ సందడిలో దూరి ప్రయోజనం పొందారు. మరోసారి అధికారంలోకి వచ్చారు. కానీ చంద్రబాబుపై జనాగ్రహం తగ్గలేదనడానికి ఆ తర్వాత వెల్లువెత్తిన తెలంగాణ ఉద్యమం మరో ఉదాహరణ. రైతుల ఆత్మహత్యలు, విద్యుత్ ఉద్యమకారులపై కాల్పులు, అంగన్‌వాడీ కార్మికులను గుర్రాలతో తొక్కించడం ఒకటేమిటి….అనేక దాష్టీకాల కాలం అది.

ఏ ఎన్నిక         టీడీపీ        బిజెపి        లెఫ్ట్        కాంగ్రెస్
1994 అసెంబ్లీ ఎన్నికలు   44.35        3.89        6.35        33.85
1996 లోక్‌సభ        32.59        5.65        5.3        39.66
1998 లోక్‌సభ         31,97        18.3        5.45        38.46
1999 లోక్‌సభ        39.85        9.90        2.73        42.79
2004 అసెంబ్లీ         37.59        2.63        3.37        38.56
2009 అసెంబ్లీ        28.12        2.84        2.65        36.55

అవసరంకోసం బిజెపిని కౌగిలించుకున్న బాబు అది తీరిపోగానే మళ్లీ మతతత్వ పార్టీగా ముద్రవేసి లౌకికవాదిగా మారాలని చూశారు. కానీ ఎవరు నమ్ముతారు? ఎంతకాలం నమ్ముతారు? దాని పర్యవసానం 2004 ఎన్నికల్లో బాబు పతనం. 2009 ఎన్నికలకు ముందే బాబు పడవ మునిగిపోవలసింది. చిరంజీవి రాకతో అసలే కుంటుతున్న బాబునావ మరీ కకావికలైంది. టీఆరెస్ చిరంజీవితో పొత్తు పెట్టుకుంటే తెలంగాణలో టీడీపీ ఆనాడే ఖాళీ అయిపోయేది. రాష్ట్ర రాజకీయ ముఖచిత్రం మరో విధంగా ఉండేది. కానీ నాయుడుగారు, ఆయనగారి మీడియా ఎన్నికల రుతుపవనాలను ముందుగా పసిగట్టడంలో నేర్పరులు. తెలంగాణకు అనుకూలంగా నిర్ణయం చేయకపోతే తెలంగాణలో తెలుగుదేశం అంతరించిపోతుందని తెలుసు. అందుకే కమిటీ వేసి, చర్చలు చేసి, బోలెడంత బిల్డప్ ఇచ్చి తెలంగాణ ఏర్పాటుకు మద్దతు ప్రకటిస్తూ తీర్మానం చేసింది. అయినా తెలంగాణ తెలుగుతమ్ముళ్లు టీఆరెస్ ఎవరితో చేతులు కలుపుతుందో చూసి రాజకీయ నిర్ణయం తీసుకుందామని అప్పటికే ఒక అవగాహనకు వచ్చారు. తెలుగుతమ్ముళ్లు కొందరు టీఆరెస్‌తో, కొందరు చిరంజీవితో మంతనాలు కూడా జరిపారు. టీఆరెస్, పీఆర్‌పీ మధ్య పొత్తు కుదిరితే రెండు పార్టీల్లోకి దూకడానికి అన్నీ సిద్ధం చేసుకున్నారు.

ఈ ప్రమాదాన్ని నివారించడానికి రాజకీయ బ్రోకర్లు, మీడియా పెద్దలు కొందరు రంగంలోకి దిగి పావులు కదిపారు. టీఆరెస్‌ను తమవైపునకు తిప్పుకోవడానికి తొలుత టీడీపీ చేయని ప్రయత్నం లేదు. ఇవ్వని ఆఫర్‌లు లేవు. టీఆరెస్ కూడా టీడీపీ క్యాడర్ బేస్డ్ పార్టీ కాబట్టి పొత్తు వల్ల ప్రయోజనం ఉంటుందని ఆశించి, చివరకు అటు మొగ్గు చూపింది. అది చరిత్రాత్మక తప్పిదమని తీరా ఎన్నికలు సమీపించే కొద్దీ తెలుస్తూ వచ్చింది. ఫలితాల తర్వాత టీడీపీ కుట్ర పూర్తిగా తెలసిపోయింది. టీడీపీ తాను పోటీ చేసిన స్థానాలను గెలవడానికి, టీఆరెస్ స్థానాల్లో ఆ పార్టీని ఓడించడానికి చేయాల్సిందంతా చేసింది. అదనంగా 32 మందికి బి ఫారమ్స్ ఇచ్చి టీఆరెస్‌కు ఇచ్చిన స్థానాల్లో టీడీపీని దింపి ఓడించాలనుకున్నాడు. అన్నంత పనిచేశాడు. అన్ని స్థానాల్లో, అందరు టీడీపీ వాళ్లు అలా మోసం చేసి ఉండకపోవచ్చు, కానీ చంద్రబాబునాయుడు హైదరాబాద్ నుంచి ఆపరేట్ చేసి మరీ టీఆరెస్‌కు వ్యతిరేకంగా ఓట్లు వేయించినట్టు టీఆరెస్ అభ్యర్థులు ఆ తర్వాత ఆరోపించారు. అప్పుడు కూడా ఆయన లక్ష్యం ఒక్క టీఆరెస్‌ను ఓడించడం కాదు. ఒక్క దెబ్బకు రెండు పిట్టలు నేలకూలతాయనుకున్నాడు. ఇటు టీఆరెస్, అటు తెలంగాణవాదం రెంటినీ దెబ్బతీయాలన్నది చంద్రబాబు కుట్ర. అలా ఆయన విశ్వాస ఘాతుకాల జాబితాలో 2009 ఎన్నికలు కూడా చేరిపోయాయి. టీఆరెస్ తాత్కాలికంగా దెబ్బతిని ఉండవచ్చు. కానీ తెలంగాణవాదం ఫీనిక్స్‌లాగా ఉవ్వెత్తున ఎగసింది. ఆయనపై అపనమ్మకం పరాకాష్ఠకు చేరడానికి లేటెస్టు ఉదాహరణ 2009 డిసెంబరు 7,8,9,10 తేదీలలో ఆయన మాటమార్చిన తీరు. ‘చేతనైతే తెలంగాణపై తీర్మానం పెట్టండి’ అని సవాలు చేసిన వ్యక్తి, మరుసటిరోజే ‘అర్ధరాత్రి నిర్ణయం ఎలా తీసుకుంటారు’ అని అడ్డం తిరిగారు. అర్ధరాత్రే కుట్ర చేసి, తెల్లవారేసరికి రాజీనామాల డ్రామాను ఆవిష్కరించారు. ఇప్పుడు తనకు రెండు కళ్లు అని చెబుతున్నాడు. తెలంగాణకు అనుకూలంగా తీర్మానం చేసినప్పుడు కూడా ఈ పెద్ద మనిషికి రెండు కళ్లు ఉన్నాయి. సీమాంధ్ర, తెలంగాణ అప్పుడు కూడా ఉన్నాయి. తీర్మానం చేసిన కమిటీకి నాయకత్వం వహించిన ఎర్రన్నాయుడు సీమాంధ్రవారే. సమస్యలు, సవాళ్లు వచ్చినప్పుడు నాయకుడు నిలబడాలి. తప్పించుకునేవాడిని, తప్పుకు తిరిగేవాడిని జనం విశ్వసించరు.

ఒక నాయకుడికి కీర్తి అయినా, అపకీర్తి అయినా ఒకటి రెండు మాసాల్లోనో, సంవత్సరాల్లోనో రాదు. చాలా కాలం పడుతుంది. ఒకటి రెండు సార్లు తప్పులు చేస్తే ప్రజలు ఒకసారి శిక్షిస్తారు, ఆ తర్వాత క్షమిస్తారు. అదేపనిగా తప్పులు చేసేవారిని, అలవాటుగా నమ్మకద్రోహానికి పాల్పడేవారిని, అవసరం వచ్చినప్పుడల్లా విధానాలు మార్చేవారిని, అత్యంత అవకాశవాదిగా వ్యవహరించేవారిని జనం క్షమించరు. అపనమ్మకాన్ని, విశ్వాసరాహిత్యాన్ని పోగేసుకోవడం చంద్రబాబునాయుడు 1995 నుంచి ఇప్పటివరకు అవిశ్రాంతంగా కొనసాగిస్తున్నారు. అదే రేటున ప్రజల్లో ఆయన అప్రతిష్ఠ పెరుగుతూ వచ్చింది. తెలుగుదేశం ఓటు బ్యాంకు కరుగుతూ వస్తున్నది. ఇంకా పతనం కావడమే తప్ప, అది కోలుకునే అవకాశాలు మృగ్యం. కాంగ్రెస్, జగన్ పరస్పరం అంతం చేసుకుంటే తప్ప చంద్రబాబు అధికారంలోకి రావడం కల్ల.

Advertisements

About kattashekar

Editor, Namasthe Telangana Daily, Hyderabad
This entry was posted in Political Commentary. Bookmark the permalink.

One Response to BJP again in to Dhrutarastra kougili

  1. kancherla reddy says:

    Dear shekar, your blog provides vital and timely info. to me. I can use it my in my articles. Today’s ‘Metro India’ has my piece in which I tried to expose the villainy of both the Naidus with reference to the Kakinada resolution of BJP. But this piece was sent on 2nd Feb.and hence much of its content is stale.It is a pity that still some element of suspense continues on the ‘bifurcation Bill’ even at this stage b/c of Venkaiah’s influence in the inner circles of the BJP in Delhi.  Let’s remain in touch,     Dr. K. Indrasena Reddy Prof. of English Mo# +91-9849730925

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s