వైఎస్, కిరణ్- సేమ్ టు సేమ్, చేవచచ్చిన టీ కాంగ్రెస్ నేతలు

రిపోయే దీపానికి వెలుగు ఎక్కువ. పోగాలము దాపురించినవాడు కనడు, వినడు. వెనుకటికి ముఖ్యమంత్రి రాజశేఖర్‌రెడ్డి అసెంబ్లీ వేదికగా ఎంతమాట వస్తే అంత మాట మాట్లాడేవాడు. చంద్రబాబును పట్టుకుని అమ్మ పేరుతో తిట్టాడు. ఈటెల రాజేందర్‌ను పట్టుకుని తలకాయ ఎక్కడపెట్టుకుంటావని నోరుపారేసుకున్నాడు. చనిపోవడానికి రెండు రోజుల ముందు ప్రతిపక్షాలను ఫినిష్ చేస్తానని ప్రగల్బాలు పలికాడు. విధి బలీయమైనది. ఆయననే తీసుకెళ్లింది. ఆయన కడపజిల్లా నేత. అధికారం తలకెక్కిన అగ్రకుల దురహంకారం, ఫ్యాక్షనిస్టు సంస్కారం ఆయన మాటల్లో ధ్వనించేది.

ఇప్పుడు ముఖ్యమంత్రి కిరణ్‌కుమార్‌రెడ్డి అదే బాణీలో వెలుతున్నారు. రాజశేఖర్‌రెడ్డిలాగా బలమైన నాయకుడిని అనిపించుకోవాలనుకుంటున్నాడు. ఈ ప్రాంతానికి ‘ఒక్క పైసా ఇవ్వను ఏం చేస్కుంటావో చేసుకో’ అని అసెంబ్లీలో హరీష్‌రావును ఉద్దేశించి మాట్లాడారు. ‘బయ్యారం గనుల మెమొను రద్దు చేయను ఏం చేస్తావో చేసుకో’ అని కేసీఆర్‌కు సవాలు విసిరారు. ‘భూకంపం సృష్టిస్తాడట. దానిని ఎదుర్కొనే శక్తి మాకుంది’ అని బెదిరించారు. ఆయన ధోరణి ఎలా ఉందంటే, ఆయనేదో ఆయన సొంత సొమ్ము ఇస్తున్నట్టు, ఆయన సొంత ఆస్తులు పందేరం చేస్తున్నట్టు మాట్లాడుతున్నారు. అహంకారానికి పరాకాష్ఠ. బయ్యారం గురించి ఒక్క టీఆరెస్ కాదు, టీడీపీ, సిపీఐ, సీపీఎం, కాంగ్రెస్‌లోనే తెలంగాణ నాయకులు మాట్లాడారు.

ఆయన సవాలు విసిరింది ఒక్క టీఆరెస్‌కే కాదు. అందరికీ. ఈయన కడప సరిహద్దుల్లోనే ఉన్న చిత్తూరు జిల్లా కలికిరి నేత. ఇద్దరిదీ ఒకటే సామాజిక వర్గం. ఇద్దరిదీ ఒకటే సంస్కారం. ఆయన లక్ష్యమూ తెలంగాణ ఉద్యమాన్ని తొక్కేయడమే. ఈయన లక్ష్యమూ తెలంగాణ ఉద్యమాన్ని ఆగం పట్టించడమే. శ్రీ కృష్ణ కమిటీ రహస్య అధ్యాయం ప్రకారం సాగదీసి, చీల్చి, కూల్చి, తెలంగాణ లేదనిపించాలని ఈయన లక్ష్యం. కాంగ్రెస్‌లో ఆ లక్ష్యం నెరవేరింది. ఇంతకుముందు మెజారిటీలు కొట్లాడేవారు. ఇప్పుడు మూడు వర్గాలు. ఒకటి భజనవర్గం. రెండవది చెంచాగిరి వర్గం. మూడవది ఉట్టికీ స్వర్గానికీ మధ్య ఊగుతున్న వర్గం.

తెలంగాణ మంత్రులు ఏమయ్యారో తెలియదు. తెలంగాణ కాంగ్రెస్ ఎమ్మెల్యేలు ఎక్కడ పడుకున్నారో తెలియదు. తెలంగాణ కాంగ్రెస్ నేతలు ముఖ్యమంత్రి పాదాల వద్ద వానపాముల్లా పాకుతున్నారు. ఆయన వికటాట్టహాసం చేస్తున్నారు. రాయలసీమ నాయకులు పాలించడానికి పుట్టారు. తెలంగాణ నేతలు పాకడానికి పుట్టారు. వాళ్లు సవారీ చేయడానికి పుట్టారు. వీళ్లు సవారీ మోయడానికి పుట్టారు. వాళ్లు సింహాసనంపై కూర్చుంటే వీళ్లు వింజామరలు విసురుతుంటారు. తెలంగాణ కాంగ్రెస్ నేతలు అస్తిత్వాన్ని కోల్పోయిన జాతి. తమను తాము మరచిపోయిన జాతి. సవాలు చేయలేని జాతి.

అయినా ప్రతి కుక్కకూ తీర్పులు చెప్పే రోజొకటి వస్తుంది. ప్రతి మనిషికి జవాబు చెప్పే తరుణం ఒకటి వస్తుంది. ప్రతినేతకు పతనం ఎక్కడో రాసిపెట్టే ఉంటుంది. కిరణ్‌కుమార్‌రెడ్డి అందుకు అతీతం కాదు. ‘ఐదూళ్లు కూడా ఇవ్వను పో’ అని ధూర్తించిన ధుర్యోధనుడు ఏమయ్యాడు. ‘చేతనయితే యుద్ధం చేయమనండి. ఈ సంధి రాయబారాలెందుకు’ అని సంధి ప్రయత్నాలను ఎగతాళి చేసిన కురువంశం చివరకు ఎలా అంతమయింది. పాండవులు యుద్ధం చేయలేక కాదు. ధర్మం కోసం వనవాసం చేశారు. అజ్ఞాతవాసం చేశారు. సంజయరాబారం అయింది. శ్రీకృష్ణ రాయబారం అయింది. అన్ని ప్రయత్నాలు విఫలమయిన తర్వాత కురుక్షేత్రం అనివార్యం అయింది. కురుక్షేత్రం మొదలయిననాడు ఈ కిరణ్‌కుమార్‌రెడ్డికి ఒక్కడు ఒక్కడు మిగలడు. పీలేరులో ఆయన గెలిస్తే బ్రహ్మాడం. అప్పుడు తెలుస్తుంది-అయ్యవారి సత్తా!  భూకంపం ఎలా ఉంటుందో, భూమి కింద మట్టి ఎలా కదిలిపోతుందో అప్పుడు కానీ అర్థం కాదు. అప్పటిదాకా ఈ మిడిసిపాటు తప్పదు.

Advertisements

Gospels of Gandhi’s in Karnataka

Addressing election meetings in Karnataka Rahul Gandhi presented himself and his Party as ‘clean and green’ brigade. These are the words he spelt in Mysore, Tumkur and Haveri. ‘His party would not tolerate if any Congress candidate after getting elected to the Legislative Assembly indulged in corruption. They will be dealt with strictly,” he said.

He told his own party men: “If you do not work for the people, do not listen to the problems of people and do not stay with the people then you will not have a place in the Congress.”

In Haveri, targeting the BJP’s national leadership, he accused them of duality and said that while they acted like they are fighting corruption in Delhi, they are ignoring the massive corruption that happened under BJP rule in Karnataka.

Accusing the BJP of setting a “world record” in corruption yet again, just as he did in his first leg of campaign, he said that Bangalore and Karnataka were seen as IT hubs when the Congress was in power. “If you go to any place and ask anyone now, they will say that BJP government in Karnataka has broken the world record in corruption,” Mr. Gandhi said.

Giving his own explanation for why corruption grew so much in Karnataka after BJP came to power, Mr. Gandhi said that it all started with the BJP giving the responsibility of bringing the party to power to the Reddy brothers who had money power and naturally the government that came into power was not of the people but a Bellary government of the Reddy brothers.

Engaging the crowd during an interactive session, he said what should have ideally happened was that the iron ore which was extracted in Karnataka should have been used within the country for production of steel and subsequently exported. “However, the opposite happened. They took your land, sold the iron ore to China and with the help of money power occupied Vidhana Soudha where they framed laws that benefitted the Reddy brothers”, Mr. Gandhi said.

Comment

If we see the speech from the Andhra Pradesh point of view, we find, where Rahul Gandhi stands?  Duality is order of the day for both Congress and BJP. Regarding corruption both are sailing on the same boat.  What Congress has been done in the Center was enacted by BJP in the state.

Congress failed to keep the promises in many states including Andhra Pradesh.  They played with the emotions of the people. They pushed the people to die themselves by ignoring the genuine demands of the people.  They spoiled the Andhra Pradesh and continued the crisis to long last. The Congress has no democratic sensibility to the issues.

What Rahul says about corruption is a big joke.  Congress entertained the Gali Janardhan Reddy-YS Raja Shekar Reddy axis as long as it got the fruits. Gali Janrdhan Reddy did not make money during the BJP tenure.  He was sourced by BJP to gain power in Karnataka after seeing his money and clout.

 

అంతిమ ఉద్యమరూపంగా ఎన్నికలు

సూర్యాపేట, మార్చి 29; ముఖ్యమంత్రి కిరణ్‌కుమార్‌రెడ్డి పాల్గొన్న సభ. నేతలంతా ప్రసంగిస్తున్నారు. స్థానిక ఎమ్మెల్యే దామోదర్‌రెడ్డి ప్రసంగిస్తూ ముఖ్యమంత్రిని ఆకాశానికెత్తారు. 2014 తర్వాత కూడా కిరణ్‌కుమార్‌రెడ్డే ముఖ్యమంత్రి అని సెలవిచ్చారు. ఇంకా మంత్రులు జానారెడ్డి, ఉత్తమ్‌కుమార్‌రెడ్డి, శాసనమండలి ఉపాధ్యక్షుడు నేతి విద్యాసాగర్, ఇంకా చాలా మంది మాట్లాడారు. తెలంగాణ ఊసు లేదు. సభలో చప్పుడు లేదు. చప్పట్లు లేవు. ఉక్కపోత తప్ప. గుత్తా సుఖేందర్‌రెడ్డి లేచి, ‘ఇక్కడి ప్రజలు తెలంగాణ కోరుకుంటున్నారు. తెలంగాణ రాష్ట్ర ఏర్పాటుకు ముఖ్యమంత్రి సహకరించాలి. రెండు రాష్ట్రాలు ఏర్పడితే ఆంధ్రాకు కిరణ్ ముఖ్యమంత్రి కావచ్చు’ అని మాట్లాడారు. సభలో ఒక్కసారిగా హర్షధ్వానాలు మిన్నుముట్టాయి. మహిళలు, పురుషులు అన్న తేడా లేదు. ఈలలు, కేరింతలు, జై తెలంగాణ నినాదాలు … ఒకటే అలజడి. ‘ఇది…ఇలా మాట్లాడాలి. మగాడంటే ఈయన’…పక్కన కూర్చున్న వ్యక్తి చాలా ఆవేశంగా అంటున్నాడు. వేదిక మీద ఉన్న మిగిలిన నేతల ముఖాలు మాడిపోయాయి. ఈ సభ తెలంగాణ ప్రజల అంతరంగాన్ని తెలియజేస్తుంది. ఈ సభకు వచ్చిన వారంతా ప్రభుత్వ యంత్రాంగం, దామోదర్‌రెడ్డి సమీకరించుకున్న వారే.  ఎవరు సమీకరించారన్నది కాదు. ఏ పార్టీ సభ అన్నది కూడా సమస్య కాదు. తెలంగాణే సమస్య. గుండె గుండెలో నిండిపోయిన నినాదం అది. ఆ పేరెత్తగానే జ్వలించిపోయే జనం ఇప్పుడూ ఊరూరా ఉన్నారు. ప్రతిసభలో ఉన్నారు. తెలంగాణవాదానికి అండగా నిలబడమని వాళ్లకు ఇప్పుడు ఎవరూ చెప్పాల్సిన పనిలేదు. ఎన్నికలు వస్తే ఎవరికి ఓటేయాలో వీరికి ఎవరయినా చెప్పాల్సి అవసరం ఉంటుందా? కాంగ్రెస్ తెలంగాణ ఇవ్వకపోతే రేపు సుఖేందర్‌రెడ్డినయినా ఇప్పుడు జైకొట్టిన ప్రజలు సహిస్తారా? ఇన్నేళ్లు కొట్లాడినా తెలంగాణ రాలేదని ఆశోపహతులైన ప్రజానీకం తమ ఆగ్రహాన్ని ఎలా వ్యక్తీకరించాలి? అందుకు ఓటు ఆయుధం కాదా? ఈ ఆయుధంతో ఎవరి తలలు తెగిపడతాయి? ఎవరు బలపడతారు?

టీఆరెస్‌కు కేడర్ లేదు అన్న ఒక మిథ్యను సృష్టించి, మంత్రించి, ఉధృతంగా ప్రచారం చేసి, తెలంగాణవాదాన్ని దెబ్బకొట్టాలని చంద్రబాబు అండ్ సీమాంధ్ర మీడియా అదేపనిగా ఎత్తులు వేస్తున్నది. అందుకే వలసలను ప్రోత్సహిస్తున్నారని టీఆరెస్‌ను వీరు సంయుక్తంగా ఆడిపోసుకుంటున్నారు. రాజశేఖర్‌రెడ్డి టీఆరెస్ ఎమ్మెల్యేలను కొనుగోలు చేసినప్పుడు వీరికి అది వీరోచిత చర్యగా కనిపించింది. ఎందుకంటే ఆయన తెలంగాణవాదాన్ని దెబ్బకొట్టడానికి ఎమ్మెల్యేలను కొన్నాడు కాబట్టి ఆయన సాహసి అయ్యాడు. చంద్రబాబునాయుడు 1994-2004లలో చేసిందేమిటి? మామ పార్టీ అల్లుడి పార్టీగా ఎలా మారింది? ఎవరిని ఎలా మానేజ్ చేశారు? కాంగ్రెస్ నుంచి గెలిచిన మోత్కుపల్లి నర్సింహులు తెలుగుదేశంలో ఎలా చేరారు? చెన్నమనేని రాజేశ్వర్‌రావు ఏ ప్రలోభాలతో తెలుగుదేశం పార్టీలో చేరారు? మైసూరారెడ్డి కాంగ్రెస్‌లో ఎందుకు చేరారు? నూకారపు సూర్యప్రకాశరావుకు రాత్రికి రాత్రి అనకాపల్లి టికెట్ ఎలా వచ్చింది? గాలి ముద్దు కృష్ణమనాయుడు ఏ పార్టీలో మొదలయ్యారు? కాంగ్రెస్‌లోకి ఎందుకెళ్లారు? ఇప్పుడు  ఏ పార్టీలో తేలారు? అందువల్ల పార్టీలు మారడం గురించి, వలసల గురించి, కొనుగోళ్ల గురించి, రాజకీయ విలువల గురించి ఈ గురివిందలు మాట్లాడితే హాస్యాస్పదంగా ఉంటుంది. తెలంగాణలో కాంగ్రెస్, తెలుగుదేశంలు మాట్లాడ్డానికేమీ లేదు. వారు ఈ పదేళ్లూ ప్రేక్షకపాత్రను, రాజీల డ్రామాను నడిపారు తప్ప ఏ సందర్భంలోనూ తెలంగాణకోసం కొట్లాడింది లేదు. కనీసం తెలంగాణ ప్రజల సమస్యలపై పోరాడింది కూడా లేదు.

చంద్రబాబునో, కిరణ్‌కుమార్‌రెడ్డినో కాపాడడానికి, మోయడానికి పాటుపడ్డారుత ప్ప తెలంగాణ ప్రజల పక్షాన నిలబడడానకి ప్రయత్నించలేదు. అందుకే తెలంగాణ ఉద్యమంపై బురదజల్లే ఏకైక కార్యక్రమానికి దిగుతున్నారు. నిజానికి టీఆరెస్‌కు వలసలపై ఆధారపడాల్సిన అవసరం ఎంతమాత్రం లేదు. టీఆరెస్‌కు కొరవడింది కేడర్ కాదు, ఆత్మవిశ్వాసం. బయటిపార్టీల నుంచి ఎవడో మహానాయకుడు వస్తేనే పార్టీ గెలుస్తుందని భావించడమే తప్పు. ఇప్పటిదాకా టీఆరెస్ వైపు రాలేదంటేనే వారు తెలంగాణ తెగదెంపుల సమరంలో ఎప్పుడూ ముందుకు రాలేదని అర్థం. వారంతా తెలంగాణ సమరానికి ద్రోహం చేసినవారని అర్థం. టీకాంగ్రెస్, టీటీడీపీ ఎమ్మెల్యేలు, ఎంపీలు తెగించి నిలబడి ఉంటే తెలంగాణ ఇప్పటికే వచ్చి ఉండేది. అలా రాకుండా దోబూచులాడినవారిని, నాటకాలాడినవారిని ఇప్పుడెందుకు దగ్గరికి తీయడం!  కేడర్ లేకుండా, పార్టీ యంత్రాంగం లేకుండాగెలిచిన సందర్భాలు మన అనుభవంలోనే అనేకం ఉన్నాయి. టీఆరెస్ సొంత అనుభవమే అందుకు ఉదాహరణ. 2001 పంచాయతీ ఎన్నికలకు ముందు టీఆరెస్ ఆవిర్భవించింది. అప్పుడు కేడర్ ఎక్కడిది? పార్టీ యంత్రాంగం ఎక్కడ ఉంది? అయినా 4 జడ్‌పీటీసీలను, 1043 ఎంపీటీసీలను, రెండు జిల్లా పరిషత్‌లను గెల్చుకోగలిగింది. కేసీఆర్ రేకెత్తించిన తెలంగాణ చైతన్యం, ఉద్యమ వాతావరణం ఆ రోజు పార్టీని గెలిపించాయి.

తెలంగాణ ప్రజాసమితి అనుభవం కూడా టీఆరెస్‌కు తెలిసిన పాఠమే. తెలంగాణ ప్రజాసమితికి ఎంత మంది కార్యకర్తలు ఉన్నారు? 1969లో ఉద్యమం జరిగితే, రెండేళ్ల తర్వాత 1971లో పది లోక్‌సభ స్థానాల్లో తెలంగాణ ప్రజాసమితి నాయకులను గెలిపించారు. వారిలో చాలా మంది కొత్తగా రాజకీయాల్లోకి వచ్చినవారే. ఒక పార్టీకి ఉండాల్సిన హంగులేవీ లేవు. కమిటీలు, యంత్రాంగం పూర్తిగా ఏదీ లేకుండానే ఆ రోజు తెలంగాణ ప్రజలు తీర్పునిచ్చారు. తెలంగాణ ఉద్యమంలో తమపై జరిగిన దమనకాండకు ప్రతీకారంగా, రాష్ట్ర సాధన కాంక్షకు ప్రతిబింబంగా అప్పట్లో తెలంగాణ ప్రజలు టీపీఎస్‌ను గెలిపించారు.  ఆ తర్వాత 192లో ఎన్‌టిఆర్ తెలుగుదేశం పార్టీ పెట్టినప్పుడు కేడర్ ఎక్కడ ఉంది? పార్టీ యంత్రాంగం ఎక్కడుంది? టీపీఎస్‌తో పోల్చినా, టీడీపీతో పోల్చినా ఇప్పుడు టీఆరెస్ అంతకంటే బలంగా ఉంది. తెలంగాణవాదం ఇప్పుడు ఎప్పుడూ లేనంతగా సమాజంలో ఇంకిపోయింది. చాలా చోట్ల కమిటీలు ఉన్నాయి. ప్రతి గ్రామంలో తెలంగాణవాదులు ఉన్నారు. జేయేసీలు ఉన్నాయి. తెలంగాణ విషయంలో అన్ని పార్టీలూ మోసపూరితంగా వ్యవహరించాయన్న కోపం ప్రజల్లో ఉంది. అనేక ఉద్యమాలు, వెయ్యి మంది యువకుల బలిదానాలు కళ్ల ముందు మెదలుతున్నాయి. కాంగ్రెస్, తెలుగుదేశం, వైఎస్సార్ కాంగ్రెస్‌లలో ఏ పార్టీ నాయకులను గెలిపించినా వాళ్లు ఆంధ్ర నాయకుల కనుసన్నల్లోనే మెలగుతారన్న అవగాహన గత మూడేళ్లలో బాగా పెరిగింది. తెలంగాణలోని ఈ పార్టీల నాయకులు తెగించి ఉంటే తెలంగాణ ఇప్పటికే వచ్చేదన్న స్పష్టతా జనానికి వచ్చింది. తెలంగాణ రాష్ట్ర సాధన ఏకైక ఎజెండాగా పనిచేస్తున్న టీఆరెస్‌కు తగినంత బలం లేకపోవడం వల్లనే ఇన్ని పాట్లూ పడాల్సివస్తున్నదని జనం భావిస్తున్నారు. ఇప్పుడు తెలంగాణలో టీడీపీ, కాంగ్రెస్‌లకు ఉన్న ఎమ్మెల్యేల బలం 0కి పైనే. ఆ ఎమ్మెల్యేలే టీఆరెస్‌కు ఉండి ఉంటే పరిస్థితి ఎలా ఉండేది? ఇది సహజనంగా జనంలో జనించే ప్రశ్న.

టీఆరెస్ ఆలోచించాల్సిందల్లా ఎన్నికలకు ఉద్యమ రూపం ఇవ్వడం ఎలా అన్నదే.  ఇందుకు కూడా అస్సాం గణ పరిషత్ అనుభవం మనకు పనికి వస్తుంది. ఒక ఉద్యమం రాజకీయ శక్తిగా అవతరించడానికి ఉదాహరణ అస్సాం గణ పరిషత్. అస్సాం జాతీయవాది దళ్, అస్సాం సాహిత్య సభ, అస్సాం కర్మచారి పరిషత్,  అస్సాం జాతీయవాది యువ ఛాత్ర పరిషత్, ఆల్ అస్సాం సెంట్రల్ ఎంప్లాయీస్ అసోసియేషన్….ఇలా అనేక సంఘాల ప్రతినిధులు అస్సాం గణ పరిషత్‌గా ఆవిర్భవించి ఎన్నికల బరిలో నిలిచారు.  ఉద్యమంలో ముందు భాగాన నిలబడిన అన్ని వర్గాలను ఎన్నికల బరిలో దింపి గణ పరిషత్ ప్రయోజనం పొందింది. విద్యార్థులు, అధ్యాపకులు, మేధావులు, రాజకీయ నాయకులు అందరూ సంఘటితంగా ఎన్నికల బరిలోకి వచ్చారు. అది సత్ఫలితాలను ఇచ్చింది. టీఆరెస్ అదే నమూనాను ఇక్కడ స్వీకరించడం అవసరం. టీఎన్‌జీవో నేత స్వామిగౌడ్‌ను, ఉపాధ్యాయ నేత సుధాకర్‌రెడ్డిని ఎన్నికల బరిలో దింపి టీఆరెస్ ఇప్పటికే అటువంటి సంకేతాలను ఇచ్చింది. రేపు సాధారణ ఎన్నికల్లో ఆ ప్రయత్నం ఇంకా  పెద్ద ఎత్తున జరగాలి. ఇతర పార్టీల నుంచి వలసలు వస్తున్న నాయకులు గత పదేళ్లుగా తెలంగాణ ఉద్యమంలో పనిచేస్తున్న నాయకులకంటే గొప్పవాళ్లు కాదు. వీళ్ల కంటే ప్రజాదరణ ఉన్నవాళ్లు కాదు. ఉద్యమాల నుంచి నాయకులను ఎంపిక చేసుకోవాలి. కొత్త నాయకత్వాన్ని తీసుకురావాలి. ఈ ఎన్నికలను తెలంగాణపై తీర్పుగా, సీమాంధ్ర పార్టీలకు, సీమాంధ్ర నాయకత్వాలకు భరతవాక్యం పలికే మార్పుగా మల్చాలి. సీమాంధ్ర నాయకత్వాల నుంచి తెలంగాణ రాజకీయ రంగాన్ని విముక్తి చేస్తే రాష్ట్ర సాధనలో సగం పని పూర్తయినట్టే. పార్టీ యంత్రాంగాన్ని, ఉద్యమ శక్తులను ఏకోన్ముఖంగా నడిపించేందుకు టీఆరెస్ నడుం కట్టాలి.

Surveys that Organised and Orchestrated

Basing on C-Voter survey Media jockeys are started to show TDP in a big picture, actually which is not. Did you ever saw Eenadu Daily publishing a private survey in first page in such a big way? Did you saw a newspaper publishing survey and Chandrababus response on it simultaneously? But these two newspapers do alike as if they planned combined.

The survey and its presentation and Babus reaction….all are organised and orchestrated. When election coming to close this type of attack and psychological warfare will be taken to peaks. Already these two newspapers started high pitch onslaught on TRS and YSRCP.

Tragedy of TDP in Telangana is nothing to say good or nothing achieved to boast. They became mere spectators to this decade of struggles for Telangan. Neither they fought for people issues nor for Telangana. Hence they chosen the path of mudslinging on TRS and its leader. They are fighting for Chandrababus existence not for Telanganas existence. They became mouth pieces of Seemandhra Hegemony.

C-Voter doing surveys all these years. But for very few occasions they went wrong. More of political biased and directional.

విద్వేషవాది, విషవాది పరకాల

గొర్రె ఎంత ఎదిగినా తోక మాత్రం పెరగదు!
పరకాల ప్రభాకర్ వయసు పెరిగినా బుద్ది పెరగలేదు!
అబద్ధానికి పెద్దపుత్రుడు రుజువులడుగుతున్నాడు!
ఎన్ని రుజువులు కావాలి? ఏమి రుజువులు కావాలి?
ఫజల్ అలీ పునర్విభజన కమిషన్ హైదరాబాద్‌ను 1962దాకా ఆంధ్రలో విలీనం చేయవద్దని సిఫారసు చేసింది అబద్ధమా?
1969 ఉద్యమం అబద్ధమా? 369 మందిని కాల్చిచంపడం అబద్ధమా?
తెలంగాణ ప్రజలు పదిమంది ఎంపీలను గెలిపించడం అబద్ధమా?
తెలంగాణ వనరులను, ఉద్యోగాలను కొల్లగొట్టడడం అబద్ధమా?
పోతిరెడ్డిపాడు పూర్తి చేయడం అబద్ధమా? ఎస్‌ఎల్‌బీసీని పూర్తి చేయకపోవడం అబద్ధమా?
610 జీవో అబద్ధమా? దానిని అమలు చేయకపోవడం అబద్ధమా?
పన్నెండేళ్ల వర్తమాన తెలంగాణ ఉద్యమం అబద్ధమా?
నువ్వు పీఆర్పీలో ఉండి తెలంగాణ ఉద్యమం న్యాయమైందని చెప్పడం అబద్ధమా?
తిన్నింటివాసాలు లెక్కబెట్టి, మాటలు, పార్టీలు మార్చే నువ్వు అబద్ధమా?
అన్ని పార్టీలు తెలంగాణకోసం తీర్మానాలు చేయడం అబద్ధమా?
కేంద్రం తెలంగాణ ప్రక్రియను ప్రారంభిస్తున్నట్టు ప్రకటించడం అబద్ధమా?
బందిపోట్లలో అడ్డం తిరిగి వచ్చిన తెలంగాణను అడ్డుకోవడం అబద్ధమా?
ఏది అబద్ధం ప్రభాకర్? ఎందుకు ప్రభాకర్ రెచ్చగొడతావు?
నువ్వు విశాలాంధ్రవాదివి, సమైక్యవాదివి కాదు ప్రభాకర్!
తెలంగాణ విద్వేషవాదివి, విషవాదివి!
అబద్ధానికి, విద్రోహానికి తోబుట్టువు నువ్వు!
పళ్లకు బంగారు పూత, నోటినిండా అబద్ధాల మోత!
తమరు నోరు మూసుకుంటే మంచిది!