Say no to KiKi while plowing

8x10-01

కికి వంటి వెర్రిమొర్రి వేషాలను ఎండగట్టడం మంచిదే, కానీ నాగలి అలా వదిలేసి ఎగరడం వాంఛనీయం కాదు. ఎద్దుకు కాలుగర్ర అయ్యే ప్రమాదం ఉంది. అలా నాగలి వదిలేసి దున్నడం సాంధ్యమ్ కాదు. దున్నబోయి ఎద్దు కాలుకు గాయం చేసినందుకు మా తాత నాపై చాలా కోపం చేసిండు.  నాగలి లేక గొర్రు లేక గుంటుక యేదయినా, మేడిపై నియంత్రణ లేకపొతే యెడ్ల కాళ్లకు ప్రమాదం. జరజాగ్రత్త మిత్రులారా.

Advertisements

కాళేశ్వరమే ఎందుకు?

Kaleshwaram

సీడబ్ల్యూసీ అంచనాల ప్రకారం మేడిగడ్డ వద్ద నీటి లభ్యత 283.4 టీఎంసీలు. అందులో నుంచి మొదటి దశలో 180 టీఎంసీలను మళ్లించుకోవడానికి తెలంగాణ ప్రభుత్వం కాళేశ్వరం ప్రాజెక్టును ప్రారంభించి యుద్ధ ప్రాతిపదికన పనులు జరిపిస్తున్నది. ఎల్లంపల్లి, ఇతర చెరువులు, రిజర్వాయర్లలో లభించే నీటితో కలిపి కాళేశ్వరం ప్రాజెక్టు ద్వారా మొత్తం 225 టీఎంసీల నీరు వినియోగంలోకి వస్తుంది. ఇందుకోసం ప్రాజెక్టు పొడవునా 141 టీఎంసీల సామర్థ్యంతో రిజర్వాయర్లు కూడా నిర్మిస్తున్నది. ఈ ప్రాజెక్టుపై కాంగ్రెస్, వామపక్షాలు, కొందరు మేధావులు కేసులు వేయడం, చర్చాగోష్టులు నిర్వహించడం, సవాళ్లు విసరడం చేస్తున్నారు. వాళ్లు నిజంగానే ఏమి తెలుసని, ఏమి చూసుకుని సవాళ్లు విసురుతున్నారో అర్థం కాదు.

తుమ్మిడిహట్టి నుంచి తలపెట్టిన ప్రాణహిత – చేవెళ్లే ఉత్తమమైనదని కాంగ్రెస్ నాయకులు, కొందరు మేధావులు మాట్లాడుతుంటే ఆశ్చర్యం కలుగుతున్నది. తుమ్మిడిహట్టి వద్ద కేవలం 5 టీఎంసీల సామర్థ్యంతో రిజర్వాయరు నిర్మించి, మొత్తం ప్రాజెక్టు పొడవునా మరో 11.4 టీఎంసీల నిల్వసామర్థ్యంగల రిజర్వాయర్లు మాత్రమే నిర్మించి 160 టీఎంసీలను తెలంగాణ పొలాలకు మళ్లించి 16 లక్షల ఎకరాలకు నీరిస్తామని అప్పటి ముఖ్యమంత్రి రాజశేఖర్‌రెడ్డి చెప్పడం, వీరంతా నమ్మడం, ఇప్పటీకీ అవే సుద్దులు మళ్లీ మళ్లీ చెబుతుండడం విస్మయం కలిగిస్తున్నది. వీరికి తెలంగాణ భౌగోళిక పరిస్థితులపైన, నదులు, వాగులు, నీటి లభ్యతపైన ఇసుమంతైనా అవగాహనలేదని అర్థమవుతున్నది.

తెలంగాణ ప్రభుత్వం వచ్చిన తర్వాత తుమ్మిడిహట్టి వద్ద నీటి లభ్యత తక్కువగా ఉంటుందని, మేడిగడ్డ వద్ద ఎక్కువ నీరు లభిస్తుందని అధ్యయనం చేసి, నిర్ధారించి, ప్రాజెక్టులను పునరాకృతి చేసింది. తుమ్మిడిహట్టి వద్ద లేని నీరు మేడిగడ్డ వద్ద ఎలా లభిస్తుందని ఆదిలాబాద్ జిల్లాకే చెందిన ఒక మేధావి, నీటి వాలూ వీలూ తెలియని కొందరు కాంగ్రెస్ నాయకులు ప్రశ్నిస్తున్నారు. వీరందరినీ ఒకసారి తుమ్మిడి హట్టి నుంచి మేడిగడ్డదాకా ప్రాణహిత-గోదావరి నదుల్లో తిప్పితే ఏమైనా జ్ఞానం కలుగుతుందేమో చూడాలి. తుమ్మిడి హట్టి దాటిన తర్వాత ఇటు ఆదిలాబాద్ జిల్లా నుంచి, అటు మహారాష్ట్ర గడ్చిరోలి జిల్లా నుంచి, అందునా దట్టమైన అటవీ ప్రాంతాల నుంచి 13 పెద్ద చిన్న వాగులు ప్రాణహిత-గోదావరి నదుల్లో వచ్చి కలుస్తాయి. ఆదిలాబాద్ నుంచి పెద్దవాగు, గొల్లవాగు, రాలి వాగు, రాళ్లవాగు, తోళ్లవాగు, ఎర్రవాగు, నిప్పువాగు, నాగులవాగులు ప్రాణహిత-గోదావరి నదుల్లో కలుస్తాయి. భూపాలపల్లి జిల్లా అడవుల నుంచి పెద్దవాగు, చండ్రుపల్లివాగు, నల్లవాగు, పుసుకుపల్లివాగు, కుదురుపల్లివాగులు గోదావరి నదిలో వచ్చి కలుస్తాయి. గడ్చిరోలి వైపు తుమ్మిడిహట్టి నుంచి మేడిగడ్డలోపు ఏడు వాగులు వచ్చి ప్రాణహిత-గోదావరి నదుల్లో కలుస్తాయి. ఏమాత్రం వాన వచ్చినా ఈ వాగులకు నీరొస్తుంది. ఇదంతా తుమ్మిడిహట్టివద్ద లభించే నీరుకు అదనపు నీరు కాదా?

ఎల్లంపల్లి రిజర్వాయరు గత ఏడాది ఆదిలాబాద్ అడవుల నుంచి ప్రవహించిన వాగులు, ఉపనదుల నీటితోనే నిండింది. అంటే సుమారు 20 టీఎంసీలకుపైగా జలాలు శ్రీరాంసాగర్‌కు దిగువ నుంచే ఎల్లంపల్లికి వచ్చాయి. అదీ ఏడు టీఎంసీల కడెం నిండిన తర్వాత. అటువంటప్పుడు తూర్పు, దక్షిణ ఆదిలాబాద్ నుంచి గడ్చిరోలి నుంచి, భూపాలపల్లి నుంచి వచ్చే నీరు ఎంత ఉండాలి? పదిరోజుల క్రితం అన్నారం బ్యారేజీ వద్ద 20 వేల క్యూసెక్కుల ప్రవాహం నమోదయింది. అదేసమయంలో తుమ్మిడిహట్టి వద్ద చాలా స్వల్పంగా మాత్రమే ప్రవాహం వచ్చింది. కామన్ సెన్సు ఉన్నవారికి ఇది అర్థం అవుతుంది. సుందిళ్ల, అన్నారం, మేడిగడ్డ రిజర్వాయర్లు ప్రధాన నదిపైన ఉంటాయి. ఈ వాగుల నీళ్లను ఎక్కడికక్కడ ఆపిపెడతాయి. వీలైనంత ఎక్కువ నీటిని నిలుపుకోవడానికి కాళేశ్వరం ప్రాజెక్టు వల్ల సాధ్యమవుతుంది. ప్రాణహిత-చేవెళ్ల నమూనానే కొనసాగించినట్టయితే నీళ్లున్నన్ని రోజులు మోటార్లు నడుపుకుని నేరుగా పొలాలకు మళ్లించుకోవడం తప్ప మరో గత్యంతరం ఉండేది కాదు. నీటిని నిల్వచేసుకుని పొలాలకు మళ్లించే వ్యవస్థే ప్రాణహిత నమూనాలో లేదు. ప్రాణహిత-చేవెళ్ల పరమ చెత్తగా రూపొందించిన ప్రాజెక్టు. ప్రధాన నదీ ప్రవాహనం నుంచి తెలంగాణను వీలైనంత దూరం ఉంచడంకోసం జరిగిన ప్రయత్నం. తెలంగాణ ప్రభుత్వం ఆ కుట్రలను వమ్ము చేసి, తుమ్మిడిహట్టి ప్రాజెక్టును ఆదిలాబాద్‌కు పరిమితం చేసి, ప్రధాన ప్రాజెక్టును కాళేశ్వరానికి మార్చింది. కాళేశ్వరం ప్రాజెక్టు ప్రాధాన్యతను అర్థం చేసుకోవడానికి రాజకీయ కళ్లద్దాలు పనికిరావు. దానికి తెలంగాణ ఆత్మ కావాలి.

మునుపటి గుణమేల మాను..

images

మార్పును ఆహ్వానించలేనివారు మచ్చల కోసం భూతద్దం పెట్టి వెదుకుతుంటారు. జీవితకాలమంతా సాగించే ఆ మచ్చల అన్వేషణే ఒక మహా విప్లవకార్యంగా భావిస్తుంటారు. ఆ మచ్చల అన్వేషణలో పాల్గొన-లేదని ఇతరులపై దుమ్మెత్తిపోస్తుంటారు. వీరు మేధావుల పేరిట చెలామణి అవుతుంటారు. పత్రికల ముసు-గు లో చెలరేగుతుంటారు. ప్రాంతాన్ని బట్టి, అధికారంలో ఉన్న పార్టీని బట్టి వీళ్ల చూపు మారిపోతుంది. నిజానికి యథాతథవాదులకూ వీళ్ల కు పెద్దగా తేడా ఉండదు. వెనుకటికి భూస్వాములు ఊళ్లోకి బడిని రాని-చ్చేవారు కాదు. కరెంటు వచ్చినా తమ ఇళ్లకే పరిమితం. చెరువు నీళ్లు కూడా తమకే సొంతం. ఇవేవీ బక్క రైతులకు, పేదలకు దక్కేవి కాదు. దక్కకుండా ఉంటేనే వారంతా తమవద్ద సేవకులుగా పడి ఉంటారని వారి నమ్మకం. ప్రాజెక్టులు, కాల్వల విషయంలోనూ ఇదే భూస్వామ్య మనస్తత్వం కొనసాగింది. కాలువ నీళ్లొస్తే ఇంకేమన్నా ఉందా, జనం మన మాట విం టారా. ఛట్ ఆపండి అని మోకాలు అడ్డం వేసిన నాయకులు తెలంగాణలో ఎప్పటి నుం చో ఉన్నారు. వారి వారసులు ఇప్పటికీ వివిధ పార్టీల్లో కొనసాగుతున్నారు. వారే వందలకొద్దీ కేసులు వేస్తారు. వారే రైతులకు పరిహారం ఇవ్వడం లేదని గోల చేస్తారు. వారే ప్రభుత్వం అడ్డ-గోలుగా అప్పులు చేసేస్తుందని వాదిస్తారు. కొందరు నాయకులు ఎంత దుర్మార్గులో ఒక చిన్న సంఘటన వింటే అర్థమవుతుంది. నల్లగొండ జిల్లాలో నాగార్జునసాగర్ రిజర్వాయర్ వెనుక నుంచి ఒక వరద కాలువ తవ్వారు. ఆ కాలువ  పొడవు 84 కిలోమీటర్లు. అందులో మధ్యలో ఒక వందమీటర్ల పొడవున భూమిపై కొందరు రైతులు కేసు వేశారు. ఆ కేసులో 2009లో హైకోర్టు స్టే ఇచ్చింది. ఇప్పటికి తొమ్మిదేండ్లు. కేసును ఎత్తివేయమని అడుగడానికి ఎవరికీ తీరుబడి లభించలేదు. ఇటీవల ఒక్కొక్క రైతును బతిమాలి కేసుల నుంచి తప్పించే ప్రయత్నం మాడుగులపల్లి మండల యువకు లు చేశారు. కొందరు కేసు ఉపసంహరించు-కున్నారు. మరో రైతు అదే క్రమంలో కేసు ఉపసంహరించుకోవడానికి ముందుకువచ్చాడు. ఈ విషయం తెలిసిన నల్లగొండ కాంగ్రె స్ ప్రతినిధి, నాకు తెలియకుండా కేసు ఉపసంహరించుకోవద్దు అని ఆ రైతును ఎగదోశాడు. మళ్లీ పని ఆగింది. పర్యవసానం ఏమంటే, మాడ్గులపల్లికి ఇవతల ఉన్న పదిహేను గ్రామాలు, పది చెరువులకు నీరు అందకుండా పోయింది.

ఈ గ్రామాల్లో కాలువ తవ్వకానికి పెట్టిన ఖర్చు సుమారు 150 కోట్లకు పైగా ఉంటుంది. అంటే ప్రభుత్వం 150 కోట్లు ఖర్చుచేసి కూడా పదేండ్లుగా ఆ గ్రామాలకు నీరివ్వలేకపోయింది. పదివేల ఎకరాలకు నీరందించలేకపోయింది. కాంగ్రెస్ నాయకుల మనస్తత్వం అలా ఉంటుంది. పానగల్లు చెరువు ఇప్పటికీ పూర్తిగా నింపలేదు. చాలా కాలువలకు దిగువకు నీరివ్వలేని పరిస్థితి. రైతులు కరువుతో అలమటిస్తున్నా కాంగ్రెస్ పట్టించుకోలేదు. పానగల్లు రిజర్వాయ ర్‌లో మునిగే భూము-లకు, ఇళ్లకు నష్టపరిహారం చెల్లించలేదు. తెలంగాణ ప్రభుత్వం వచ్చిన తర్వాతనే ఈ పనుల్లో కదలిక వచ్చింది. ఏ ప్రాజెక్టు వద్దయినా కాంగ్రెస్ నాయకుల పరిస్థితి ఇలాగే ఉంది. కొంతమంది మేధావులు, కొన్ని పత్రికల పరిస్థితి కూడా ఇలాగే ఉంది. పాలమూరు రంగారెడ్డి, డిండి, కాళేశ్వరం ప్రాజెక్టు.. అన్నింటిపైనా ఏదో ఒక పేచీ లేవనెత్తడం పనులు ఆపడం వీరికి అలవాటుగా మారింది. ఒక పత్రికయితే ప్రాజెక్టులపై కోట్లాది రూపాయలు కుమ్మరిస్తున్నా, ఫలితం ఇప్పుడప్పుడే వచ్చే అవకాశం లేదని రాగాలు తీసింది.  ప్రాజెక్టులు సకాలంలో పూర్తిచేసి ప్రజలకు నీళ్లివ్వాలని కొట్లాడటానికి బదులు ఎంతసేపు వివాదాలు లేపడా-నికి ఆసక్తి చూపిస్తున్నారు.

ఒక స్టే ఖరీదు ఎంతో ఇటీవల ఒక రిటైర్డు చీఫ్ ఇంజినీర్ వివరించారు. కాళేశ్వరం ప్రాజెక్టుకు కేం ద్రం నుంచి అన్ని అనుమతులు వచ్చాయి. ప్రాజెక్టు పనులు చూసి కేంద్ర ప్రభుత్వం మొదలు అన్నివర్గా ల ప్రజలు కొనియాడుతున్నారు. ఎటొచ్చీ మనవాళ్లే సమస్యలు సృష్టిస్తున్నారు. ఒక రిజర్వాయర్ నిర్మించాలంటే వందలాది మంది కార్మికులు పనిలో ఉం టారు. వందలాది జేసీబీలు, ట్రక్కులు పనిలో ఉం టాయి. ఎంతోమంది ఇంజినీర్లు, అధికారులు పను ల్లో నిమగ్నమవుతారు. ఉదాహరణకు ఆ రిజర్వాయర్‌ను వెయ్యి కోట్లతో నిర్మిస్తున్నామంటే, దానికొక తుదిగడువు పెట్టుకొని ఆ గడువులోగా పూర్తిచేసి నీళ్లు తీసుకోవాలని ప్రణాళిక పెట్టుకుంటారు. సకాలంలో పూర్తిచేసి, ఫలితాలు తీసుకుంటే ఆ వెయ్యికోట్లకు సార్థకత లభిస్తుంది. వ్యవసాయోత్పత్తి గణనీయంగా పెరుగుతుంది. రైతుల జీవన ప్రమాణాల్లో అసాధారణమైన మార్పు వస్తుంది. రైతుకు విద్యుత్, నీరు, పెట్టుబడి ఇవ్వడమంటే వారిని ఆర్థికంగా శక్తిమంతులను(ఎంపవర్) చేయడం. ఇదంతా అభివృ ద్ధి సోపానంలో భాగం. కానీ ఎవరో ఒకరు ఒక స్టే తీసుకొస్తే ఈ ప్రణాళిక అంతా తారుమారవుతుంది. అప్పటికే పెట్టిన పెట్టుబడిపై వడ్డీలు పెరుగుతాయి. ప్రాజెక్టు వ్యయం పెరుగుతుంది. ఫలితాలు తీసుకోవడంలో ఆలస్యమవుతుంది. విచిత్రమేమంటే కాం గ్రెస్ నాయకులు స్టేలతో ఎంత వికృ-తంగా ప్రవర్తిస్తా రో కరీంనగర్ నాయకుడొకరు చెప్పారు. గోదావరి ఒడ్డు కాంగ్రెస్ నాయకుడొకాయన ఫొటోగ్రాఫర్లను పెట్టి ఏ రోజుకారోజు ఫొటోలు తీయించి, కోర్టుకు పంపి, ఇగో చూశారా మీరు స్టే ఇచ్చినా తెలంగాణ ప్రభుత్వం పనులు జరిపిస్తోంది అని కోర్టు ధిక్కరణ కేసులు నడిపిస్తున్నారు. ఇది పైశాచికా-నందం కాక ఏమిటి?

ప్రాజెక్టులు ఆధునిక దేవాలయాలు. దేశానికి మెతుకు పెట్టే మహా నిర్మాణాలు. రైతు-లకు పరిహారాలు, పునరావాసాల గురించి కొట్లాడటానికి ఈ కేసులకు సంబంధం లేదు. ఇది రాజకీయ నాయక త్వం విపరీత బుద్ధితో చేస్తున్న వికృత విన్యాసం. ఆంధ్ర ఆధిపత్య మీడియా ఇందుకు భిన్నంగా లేదు. వారికి ఇక్కడి చేపలపై కండ్ల మంట. ఇక్కడి ఆలయాలపై ఏడుపు. ఇక్కడ జరుగుతున్న మంచి ఏదీ వారి కి కనిపించదు. ఎన్నో ఏండ్లు చేపల వ్యాపారం చేసింది ఆంధ్ర ప్రాంత వ్యాపారులే. ఫార్మాలిన్ వాడింది కూడా వారే కావచ్చు. అసోంతో సహా ఈశాన్య రాష్ర్టాల్లో ఆ కారణంగానే చేపలు నిషేధించి ఉండ-వచ్చు. కానీ ఆ వార్తను తెలంగాణ ప్రాంతంలో మాత్రమే ప్రచురించి, ఆంధ్రలో మినహాయించడం వెనుక ఉన్న దురుద్దేశం ఏమిటో అందరికీ అర్థం అవుతూనే ఉంది. ఆ పత్రికకు ఆంధ్రలో అంతా సస్యశ్యామలంగా, వైభవోపేతంగా, ఉజ్వలంగా ఎం దుకు కనిపిస్తున్నదో, తెలంగాణలోనే అస్తవ్యస్థంగా ఎందుకు కనిపిస్తున్నదో తెలుసుకోవడానికి కంటి డాక్టర్ అవసరం లేదు. అది కడుపు మంటతో వచ్చి న దృష్టిలోపం. ఈ పత్రికలకు ప్రభుత్వాలను పాదాక్రాంతం చేసుకొని, చెవులు పట్టి ఆడించడం చాలాకాలంగా అలవాటుగా మారింది. తెలంగాణలో ఇప్పుడు ఆ ఆటలు సాగడం లేదు. వీరికి జీ హుజూర్‌లు చెప్పే వ్యవస్థ లేదు. అందుకే జీర్ణిం-చుకోవడం కష్టంగా ఉన్నది. ఆ అజీర్తి నుంచే రోజూ ఏదో ఒకటి వండి వార్చే ప్రయత్నం చేస్తున్నారు.

ఇదే యథాతథవాద నాయకత్వం, మీడియా తెలంగాణ ప్రభుత్వం అప్పులు విపరీతంగా చేస్తున్నదని విమ-ర్శలు చేస్తున్నది. పత్రికల్లో, సామాజిక మాధ్యమాల్లో తప్పుడు ప్రచారానికి దిగుతున్నది. తెలంగాణ ప్రభుత్వం అప్పులు చేస్తున్నమాట నిజ మే. వాస్తవానికి అప్పులు ఎవరికి పడితే వారికి ఇవ్వ రు. దివాళా కంపెనీలకు, ప్రభుత్వాలకు అప్పులు పుట్టవు. పరపతిలేని వారికి అప్పు పుట్టదు. ఆరోగ్యవంతమైన ప్రభు త్వం, ఆర్థిక వ్యవస్థ ఉన్నవారికే అప్పు పుడుతుంది. జాతీయ బ్యాంకులు, ప్రైవేట్ బ్యాంకులు పోటీపడి తెలంగాణ ప్రభుత్వానికి అప్పులు ఇస్తున్నాయంటే, మన ఆర్థిక నిర్వహణ మీద నమ్మకంతో. మనం ఎక్కడ పెట్టుబడి పెడుతున్నామో చూసి వారు ముందుకు వస్తున్నారు. షోకులు చేయడానికి మనం అప్పులు చేయడం లేదు. ఇప్పటివరకు తెలంగాణ ప్రభుత్వం కొత్తగా తెచ్చిన అప్పులన్నీ తెలంగాణలో మౌలిక సదు-పాయాల అభివృద్ధికోసం నేరుగా తెచ్చినవే. ఏవీ ప్రభు త్వ ఖజానాకు తెచ్చిన అప్పులు కావు. ప్రభుత్వం హామీ మేరకు మిషన్ భగీరథకు, కాళేశ్వరం ప్రాజెక్టు కు, ఇంకా ఇతర మౌలిక సదుపాయాల ప్రాజెక్టులకు బ్యాంకులు రుణాలు ఇస్తున్నాయి. బడా పెట్టుబడిదారులకు రుణాలు ఇచ్చి, వారు సకాలంతో తిరిగి చెల్లిం-చక, మొండి బాకీలు పేరుకుపోయి అతలాకుతలమైన బ్యాంకులు ఉత్తమ ఆర్థిక నిర్వహణ కలిగిన రాష్ర్టాల కు, రాష్ట్ర ప్రభుత్వ సంస్థలకు రుణాలు ఇవ్వడానికి ముందుకు వస్తున్నాయి. ఇది ఆరోగ్యకరమైన పరిణా మం. మరో విషయం, నిన్నటిదాకా రైతులు అప్పులు చేసి, బోరువెనుక బోరు వేసి, అష్టకష్టాలపాలై, పంట లు చేతికి రాక, అప్పులు పెరిగి ఆత్మహత్యలు చేసుకున్నారు. ఇప్పుడు తెలంగాణ రైతాంగాన్ని ఈ నీటి -బాధల నుంచి విముక్తి చేయడానికి రాష్ట్ర ప్రభుత్వమే అప్పు చేస్తున్నది. ఇంతకాలం కరెంటు కోసం, బోరు బావుల కోసం రైతులు చేసిన, చేస్తున్న ప్రభుత్వ, ప్రైవేట్ అప్పులు మొత్తం లెక్కతీయండి.

రాష్ట్ర ప్రజలంతా చేసే అప్పుతో పోల్చితే ప్రభుత్వం చేసే అప్పు చాలా స్వల్పం. ఈ అప్పు కూడా ప్రపంచ బ్యాంకు వద్ద తేవడం లేదు. ఏ షరతులకూ తలొగ్గని రుణ సేకరణ ఇది. కానీ రంధ్రాన్వేషకులకు ఇందులో కూడా ఘోరాలు నేరాలు కనిపిస్తున్నాయి. వీళ్లకు మంచి ఆలోచనలు రావు. ఎవరికైనా వస్తే సహించలేరు. ఓర్వ-లేరు. యాభైయేండ్లుగా నష్టపోయిన రంగాల్లో వేగంగా ఫలితాలు తీసుకోవాలంటే యుద్ధంలా పనిచేస్తే తప్ప సాధ్యం కాదు. నీటిపారుదల ప్రాజెక్టుల విషయంలో తెలంగాణ ప్రభుత్వం యుద్ధమే చేస్తున్నది. సుమారు 1000 టీఎంసీల గోదావరి నీళ్లు, 400 టీఎంసీల కృష్ణా నీళ్లు తెలంగా ణ హక్కు. ఇందులో ఇప్పుడు ఉప-యోగించుకుంటున్న నీరు సుమారు 300 టీఎంసీలకు మించదు. నీటి హక్కును సాధించుకోవడానికి తెలంగాణ ప్రభుత్వం ఏకకాలంలో అనేక ప్రాజెక్టులను ప్రారంభించి పూర్తిచేసే దిశగా అహోరాత్రాలు శ్రమి-స్తున్నది.  ఇన్ని నీళ్లు తెలంగాణ బీళ్లకు మళ్లిన రోజు ఈ శకున పక్షులేవీ మనకు కనిపించవు. కోటి ఎకరా-లకు నీరు లభి స్తే పండే పంట ఎంత? దానినుంచి వచ్చే ఆదాయం ఎంత? సమాజం ఎంత గతిశీలంగా మారుతుంది? ఇది అర్థమైతే తెలంగాణ ప్రభుత్వం చేస్తున్న పని అర్థమవుతుంది. ఇటువంటివారికి అది అర్థం కాకపోయినా తెలంగాణ ప్రజలకు వచ్చే నష్టం లేదు.

kattashekar@gmail.com

పెప్పర్‌స్ప్రే ప్రజాస్వామ్యం

IMG_2681

ఆంధ్రా థాట్ పోలీసింగ్ దారుణం

పార్లమెంటు చరిత్రలో మరో సంచలనమట. సోమవారం రాజ్యసభలో ప్రత్యక్ష ప్రసారాలు నిలిపివేసి చర్చను కొనసాగించారు సభాధ్యక్షుడు ఎం.వెంకయ్యనాయుడు. పిల్లిమొగ్గలకు, అప్రజాస్వామిక ప్రవర్తనకు ప్రసిద్ధిగాంచిన ఆంధ్రా నాయకత్వం తమ తప్పులను కప్పిపుచ్చుకోవడానికి పార్లమెంటుకు కళంకం అంటగడుతున్నది. రాష్ట్ర విభజన సమయంలో పార్లమెంటు తలుపులు మూసి, ప్రత్యక్ష ప్రసారాలు నిలిపివేసి, అప్రజాస్వామికంగా విభజన చట్టాన్ని ఆమోదించారని ఆంధ్ర నాయకులు ఒక పచ్చి అబద్ధపు ప్రచారాన్ని పదేపదే వల్లెవేస్తున్నారు. నిజానికి అత్యంత అప్రజాస్వామికంగా వ్యవహరించింది ఆంధ్ర ఎంపీలు. పెప్పర్ స్ప్రేలు తెచ్చి, సభకు భంగం కలిగించాలని చూశారు. వెల్‌లోకి దూసుకొచ్చి సభా కార్యక్రమాలు జరుగకుండా అడ్డుకోవాలని చూశారు. సభాధ్యక్షులపై కాగితాలు, పుస్తకాలు విసిరారు.

అధికార కాంగ్రెస్, బీజేపీలతో పాటు మరో 30కి పైగా పార్టీల మద్దతుతో ఆంధ్రప్రదేశ్ విభజన బిల్లుపై సభలో చర్చ జరుగుతున్నప్పుడు పట్టుమని పదిహేను మంది ఎంపీలు మొత్తం సభను అడ్డుకోవాలని చూడడం ప్రజాస్వామికమా? టీడీపీ తెలంగాణ ఏర్పాటుకు మద్దతుగా లేఖ ఇచ్చి, తీరా నిర్ణయం జరిగాక అడ్డుకోవాలని ప్రయత్నించడం నీతమంతమా? అధిష్ఠానం నిర్ణయానికి కట్టుబడి ఉంటామని చివరిదాకా చెబుతూ వచ్చిన కాంగ్రెస్ నాయకులు నాలిక తిప్పేసి, విభజన చట్టాన్ని అడ్డుకోవడం ప్రజాస్వామికమా? ఆంధ్ర, టీడీపీ ఎంపీలు ఇంత క్రూరంగా వ్యవహరించారు కాబట్టే ఆ రోజు పార్లమెంటు ప్రత్యక్ష ప్రసారాలు నిలిపివేయాల్సి వచ్చింది. పెప్పర్ స్ప్రే ప్రయోగించి సభా కార్యకలాపాలను ఆపాలని చూసినవారు కుట్రదారులు. ఆ ఘటన పార్లమెంటు చరిత్రలో మాయనిమచ్చ.

అబద్ధాన్ని నిజంగా, నిజాన్ని అబద్ధంగా, ప్రజాస్వామ్యాన్ని అప్రజాస్వామ్యంగా, అప్రజస్వామ్యాన్ని ప్రజాస్వామ్యంగా నమ్మించడంలో, ప్రచారం చేయడంలో ఆంధ్ర మీడియా, ఆంధ్ర నాయకత్వం సిద్ధహస్తులు. ఎన్‌టీఆర్‌కు వెన్నుపోటు పొడిచి పార్టీని నిలువునా చీల్చిన నాదెండ్ల భాస్కర్‌రావు అప్రజాస్వామిక వాది ఎలా అయ్యాడు? అదే ఎన్‌టీఆర్‌ను వెన్నుపోటు పొడిచి, ఆయన గుండెపగిలి చావడానికి కారణమైనవాడు ప్రజాస్వామ్య పరిరక్షకుడు ఎలా అయ్యాడు? మీ థాట్ పోలీసింగుకు అంతే లేదా?

నమ్మితే నట్టేట వదిలేస్తారు

img_4285img_4885

 

చంద్రబాబు, నరేంద్రమోడి సేమ్ టు సేమ్. పోయిన ఎన్నికల్లో ఇద్దరు కట్టగట్టుకుని రాష్ట్ర విభజనపై విషం చిమ్మారు. రాష్ర్టాన్ని విభజించి తల్లిని చంపి పిల్లను బయటికి తీశారని చెప్పింది నరేంద్ర మోడీనే. అప్పుడు ఓట్లకోసం అది అవసరం అయింది. ఇప్పుడు చంద్రబాబు చెల్లని కాసు అయిపోయారు. ఆయనతో ప్రయోజనం లేదు. చంద్రబాబుకు కూడా మోడీతో అవసరం తీరిపోయింది.

చంద్రబాబుకు ఒక పాజిటివ్ వాతావరణాన్ని నిర్మించుకుని గెలిచే తెలివి తేటలు ఎప్పుడూ లేవు. ఎవరో ఒకరిని బద్నాం చేసి, జనాన్ని మాయలో ముంచి గెలుపొందాలన్నది ఆయన సూత్రం. తిట్టడానికి ఒక బకరా, పొత్తుకోసం మరో బకరా కావాలి. అందుకే ప్రతిసారీ పొత్తు భాగస్వామిని మార్చాల్సిందే. ఎప్పుడూ ఎవరో ఒకరిపై ఆధారపడాల్సిందే.

కొందరు ఆయనను పరాన్నజీవి అనేది అందుకే. స్వయంప్రకాశం కలిగిన నాయకుడు కాదు. పక్కనో సూర్యుడు ఉండాలి. ఆంధ్రకు అదే శాపం అవుతున్నది. కొట్లాటలో నిజాయితీ లేకపోవడమే ఆంధ్ర సమస్యలకు కారణం.

నరేంద్రమోడీ కూడా ఇప్పటికీ విమర్శలమీదే బతకాలని చూస్తున్నారు. నాలుగేళ్లు అధికారంలో ఉండి కూడా ఇప్పటికీ ఆయన తిట్టులాభంపైనే ఆధారపడుతున్నారు. పాత భాగస్వాములను వదిలేస్తున్నారు. కొత్త భాగస్వాములకోసం గాలాలు వేస్తున్నారు. ఈయన ఎవరినయినా ఉపయోగం లేదంటే ఇట్టే వదిలేస్తారు. పార్టీలనయినా, సొంత పార్టీ నాయకులనయినా. ఇద్దరినీ నమ్మడానికి వీలులేదు.

చంద్రబాబు దివాళాకోరుతనం

img_4885-1

రాజకీయ అస్తిత్వంకోసం, ఇంకా పచ్చిగా చెప్పాలంటే ఆంధ్ర ప్రజానీకాన్ని పదేపదే మోసం చేయడంకోసం టీడీపీ రాష్ట్ర విభజన అంశాన్ని తప్పుదోవపట్టిస్తున్నది. రాష్ట్ర విభజన చేయాలంటూ స్వయంగా లేఖలు ఇచ్చి మాట మార్చిన ఆ పార్టీ విభజన చట్టం ఆమోదం పొందకుండా చూడడానికి అత్యంత అప్రజాస్వామికంగా వ్యవహరించింది. ఆంధ్ర కాంగ్రెస్ నాయకత్వం కూడా వారి బాటలోనే నడిచింది. ఆంధ్రకు ఏమి కావాలో అప్పుడే అడగాల్సింది. కానీ జనాన్ని మోసం చేయడంకోసం విభజనను వ్యతిరేకిస్తున్నట్టు నటించాయి. ఒక్కటంటే ఒక్క డిమాండు ఆ రోజు ముందుకు తేలేదు. ఇప్పుడు నాలుగేళ్ల తర్వాత ఇప్పుడు కూడా వారి బుద్ధి మారలేదు. తెలంగాణపై పడి ఏడ్వడం తప్ప ఆంధ్రకు న్యాయమైన డిమాండ్లను సాధించే చిత్తశుద్ధిలేదు. భావోద్వేగాలు రెచ్చగొట్టి వచ్చే ఎన్నికల్లో మరోసారి జనాన్ని ఎలా వంచించాలన్నదే వారి ఏకైక లక్ష్యంగా కనిపిస్తున్నది.

రాష్ర్టాన్ని అప్రజాస్వామికంగా విభజించారట. విభజన వల్ల తెలంగాణ లాభపడిందట. ఆంధ్ర నష్టపోయిందట. గల్లా జయదేవ్ అనే టీడీపీ ఎంపీ ఇవ్వాళ పార్లమెంటు సాక్షిగా ఈ వ్యాఖ్యలు చేశారు. నిజమే వెనకటికి ఓట్లకోసం నరేంద్ర మోడీ కూడా విభజనకు వ్యతిరేకంగా మాట్లాడిన మాట వాస్తవం. తెలంగాణకు ఆంధ్ర ఆస్తులు ఏమైనా రాసిస్తే తెలంగాణ లాభపడిందా? తెలంగాణకు ఆంధ్ర వనరులు ఏమైనా మిగిల్చి పోయిందా? ప్రజాస్వామ్యం లేకుండానే, మెజారిటీ పార్లమెంటు సభ్యుల మద్దతు లేకుండా పార్లమెంటులో విభజన చట్టం ఆమోదం పొందిందా? ఎప్పటికి మారతారు? తెలంగాణ తన స్వశక్తితో, సొంతవనరులతో, సొంత నాయకత్వ పటిమతో లాభపడింది. తెలంగాణ వనరులతో సోకు చేసిన చంద్రబాబు అండ్ కో ఇప్పుడు సొంత వనరులతో, స్వశక్తితో ఏలుకోవలసి వచ్చేసరికి ఉక్రోషంతో ఉక్కిరి బిక్కిరి అవుతున్నారు. ఇప్పుడు కూడా తెలంగాణపైనే నెపం వేసి బతకాలని చూస్తున్నారు.

ఆంధ్ర నాయకత్వ స్థానంలో చంద్రబాబు బదులు కేసీఆర్ ఉంటే ఈపాటికి రాజధాని నిర్మాణం జరిగి పాతమరుపు అయిపోయేదని ఒక ఆంధ్ర జర్నలిస్టు మిత్రుడు అన్నారు. అమరావతి నిర్మాణం అప్పుడే మొదలు పెట్టి ఉంటే ఈ పాటికి రాష్ట్రం స్థిరపడి ఉండేది. ఢిల్లీ, ముంబై, హైదరాబాద్ విమనాశ్రయాలు, చత్తీస్‌గడ్ కొత్తరాజధాని, ఇంకా వేల కిలోమీటర్ల జాతీయ రహదారులను, అనేక భారీభారీ ప్రాజెక్టులను నిర్మించిన చరిత్ర ఘనత ఆంధ్ర ప్రాంతానికి చెందిన కాంట్రాక్టర్లదే. వారు ఏ ప్రాజెక్టు నిర్మాణంలోనూ జాప్యం చేయలేదు. సమస్యంతా చంద్రబాబు బుర్రలోనే ఉంది. ఆయన దృష్టిలోపానిదే అసలు సమస్య. పని మొదలు పెడితే ఈసరికి అన్నీ పూర్తయ్యేవి. చంద్రబాబు ప్రపంచబ్యాంకు డిక్షనరీ నుంచి రోజుకో కొత్తపదం పట్టుకుని జనానికి కబుర్లు చెప్పడం తప్ప వాస్తవిక అభివృద్ధి సాధించడంలో విఫలమవుతున్నారు. తన వైఫల్యాన్ని అటు కేంద్రం మీదకు, ఇటు తెలంగాణ మీదకు నెట్టే ప్రయత్నం చేస్తున్నారు. అబద్ధాలు కొంతకాలం కొందరని మోసం చేయగలవు. ఎల్లకాలం అందరినీ మోసం చేయలేవు. చంద్రబాబు బృందం ఇప్పటికైనా ఈ వాస్తవాన్ని గుర్తిస్తే ఆంధ్ర బాగుపడుతుంది.